Gugma, Suma ni Gerald

Sakit. Apan ang kasakit nga imong nabatyagan, buntugon sa inspirasyon ug katuyuan nga imong matagamtan gikan niini. Mao kana ang nakat-onan sa 26-anyos nga si Gerald Anderson gikan sa pagkapukan sa iyang mga relasyon kaniadto. Kahinumduman nga lakip sa mga relasyon ni Gerald sa showbiz naglangkob nila kang Kim Chui, Bea Alonzo ug Maja Salvador.

Sa presscon dinhi sa Sugbo niining bag-o lamang para sa Star Cinema movie nga Everyday I Love You nga mubukas na sa mga sinehan lukop nasud sugod karong adlawa, undanon ang mga tubag nga giluwatan ni Gerald sa tulo ka mga pangutana nga gibato sa Banat News Hugyaw kaniya.

Gipangutana siya kun unsay labing dako nga pagtulun-an nga iyang nakutlo gikan sa maong mga panagbuwag, ug nagkanayon siya: “That it’s painful… but the hurt is outweighed by the inspiration and purpose it gives you. You’re excited to get out of bed, because you know you’ll be seeing your loved one. Being in love is a work in progress. You may be in love now, but it doesn’t mean that feeling will be there forever. Both of you would have to work on it.”

Laing pangutana mao nga unsay iyang buhaton aron maka move on gikan sa pagkapukan sa usa niya ka relasyon ug nipaambit si Gerald nga pun-on matud pa niya ang iyang kaugalingon sa trabaho ug likayan niya ang paghunahuna sa dili maayong panghitabo. I cherish the good memories instead. Just improve yourself as a person.

Make sure you learn from your mistakes, and don’t repeat these mistakes.”

Dihang gipangutana unsa na karon ang iyang panlantaw kabahin sa gugma human sa iyang mga napukan nga relasyon, ni Gerald pa, kini mao ang rason sa atong pagpakabuhi niining kalibutan.

“It’s the reason we wake up in the morning and go to work. It’s our source of inspiration, of hoping to one day building our own family. Of course, before starting a family, you start with love. You have to fall in love with your future wife first. Then you make beautiful babies, and fall in love with your family. So love is the purpose of our lives.”

Ang pelikulang Everyday I Love You nagbandera ang loveteam nila ni Enrique Gil ug Liza Soberano. Apan wala kini nagpasabot, ni Gerald pa, nga ang duruha na gayud maoy magkadayon dinhi niining maong pelikula. Suma pa niya, kinahanglan tan-awon gayud ang maong pelikula aron masabtan ang buot niyang ipasabot.

Niining tungora gipalanog ni Gerald nga nahugyaw siya sa abilidad sa pag-arte nga gipabuhagay ni Liza niining maong pelikula. Nakugang siya dihang iyang nasayran nga 17-anyos pa lamang si Liza, hinungdan nga ka tulo matud pa siya nangutana pila gyuy edad sa dalagita. Suma pa niya maayo kaayo si Liza niining maong pelikula, sukwahi kaniya niadtong 17-anyos pa lamang siya ug maoy paggawas gikan sa Pinoy Big Brother house, diin naglabad ang ulo sa director nila ni Kim sa una nilang proyekto nga mao ang Love Spell. “I probably asked her thrice is she was really just 17. I didn’t expect that from her, because I was 17 when I got out from PBB, and in our first show – that was ‘Love Spell’ with Kim – our director got a headache because we both couldn’t deliver what the scene required,” paghinumdom pa niya.

Ug nidugang, “But Liza was such a natural.”

Karon nga isalida na gayud ang nahisgutang pelikula, magsugod na usab ang mga higayon nga panagsa na lamang makita si Gerald sanglit ma-busy na siya alang sa iyang dugay na nga tinguha nga makamugna og K9 Search and Rescue Team. Hinungdan nga kinahanglan na siya nga mugahin og oras alang sa training ug sa pagmugna na gayud mismo sa nahisgutang team.

Nasayran nga naikag si Gerald nga makamugna og maong grupo human sa iyang kasinatian sa bagyong Ondoy niadtong 2009.   “I want to make a team, so that if a disaster or calamity occurs, even outside the country, we could possibly be one of the first responders. Call me selfish,” he adds, “because the fulfillment that I get out of this while we’re training is just…I hope someday we can save lives.”

Hinuon sa 2016, sugdan na sab niya ang lain pa niyang plano nga mag-produce og pelikula.

“I wanna play a gay guy, I wanna feel their struggles and their journey. I also want to play an Islam, I want to be a politician with a good heart who is later on tainted, I want to do an Inspirational father-son basketball tale…I promise to you, the press, viewers and supporters, that with every role I do, I will give it my hundred percent.”

Busa, aron matuman kining maong mga roles nga iyang gipangandoy buot niya nga siya ra usab ang producer sa pelikula.