James at Nadine handa nang magpakilig sa otwolistas
MANILA, Philippines – Magpapakilig at magpapatili sa libo-libong OTWOListas ang lead stars ng On the Wings of Love na sina James Reid at Nadine Lustre kasama ang powerhouse cast ng kanilang hit teleserye ngayong Linggo (Oktubre 25) simula 4:00 PM sa Market! Market! Activity Center para sa On the Wings of Love Spread the Love Tour.
Ang Market! Market! ang unang destinasyon nina James at Nadine kasama ang buong cast ng On the Wings of Love para magpasalamat sa walang humpay na suporta ng kanilang fans na nagtulak para ma-extend at maging consistent top-rating ang kanilang teleserye.
Para makasali ang mga OTWOListas sa selebrasyon, kinakailangan lamang nilang bumili ng kahit anong On the Wings of Love merchandise sa selling booth sa event for a minimum worth of P300 (single or accumulated purchase) para mabigyan ng isang admission ticket sa Activity Center entrance. Ang mga OTWOListas naman na bibili ng OTWOL items na may minimum worth na P1,501 ay bibigyan ng limang admission tickets.
Huwag palampasin ang nakakakilig na hapon na siksik sa pag-ibig kasama sina James Reid at Nadine Lustre kasama sina Albie Casino, Bianca Manalo, Cherry Pie Picache at Joel Torre ngayong Linggo.
- Latest
