Alden at Yaya Dub umabot na sa tamang panahon!
Totoo ang tsismis na magaganap sa October 24 ang tamang panahon para kina Alden Richards at Maine Mendoza aka Yaya Dub dahil sa announcement kahapon sa Eat Bulaga.
True din ang tsismis na ang 55,000-seater na Philippine Arena ang venue ng tamang panahon at nagbukas na kahapon ang Ticketnet para sa mga bibili ng affordable tickets.
Isa lang ang naging problema, nag-crash ang website ng Ticketnet dahil sa dami ng mga nag-unahan na maka-getlak ng tickets para sa tamang panahon.
Hindi na talaga maabot ang kalyeserye ng Eat Bulaga dahil ayaw nito na magpaawat sa paggawa ng kasaysayan sa Philippine television.
Walang keber ang AlDub fans kahit mahirap puntahan ang malayong lugar ng Philippine Arena dahil mas mahalaga na ma-witness nila ang tamang panahon.
AiAi at Mother Lily may paandar sa Mother’s Day
Masungit ang weather kahapon dahil kay Typhoon Lando pero dinedma ko ang malakas na ulan para masaksihan ko ang contract signing ni AiAi Delas Alas sa Regal Films.
After 25-years, balik Regal Films si AiAina sobrang thankful kay Mother Lily Monteverde dahil hindi ito nakalimot sa kanya.
The feeling is mutual dahil ang sey ni Mother, napakabait na artista at tao ni AiAi.
Kahit matagal na hindi gumawa ng pelikula si AiAi sa Regal, nababalitaan ni Mother na maraming mga tao na tinutulungan ang Comedy Queen kaya good karma ito.
Intended for Mother’ s Day sa 2016 ang pelikula na gagawin ni AiAi sa bakuran ng Regal.
Magsisimula sa January 2016 ang shooting ng pelikula na kakaiba raw ang kuwento.
For a change, walang leading man o love interest si AiAi sa Regal Films project as in siya lang ang bida.
Hindi napilit ng mga reporter na sabihin ni AiAi ang kuwento ng pelikula pero tiniyak niya na hindi pa nagagawa sa Pilipinas ang ganoong klase ng project na ikagugulat at ikatutuwa raw ng lahat.
Jiro gusto na uling umarte
Co-star ni AiAi sa pelikula ng Regal si Jiro Manio na gusto nang magtrabaho.
Si AiAi ang naglambing kay Mother na isama sa project ang young actor na naligaw ng landas at hindi siya nagdalawang-salita dahil nag-agree agad ang aking favorite movie produ na unang nagdala sa akin sa abroad.
Malapit nang lumabas si Jiro mula sa wellness facility na pinagdalhan sa kanya ni AiAi at looking forward ang bagets na muling umarte sa harap ng mga kamera.
Likas na magaling na aktor si Jiro kaya hindi siya mahihirapan na balikan ang career na kanyang pinabayaan.
- Latest
