Dawin nahugyaw kang Wally!

CEBU, Philippines - Naukyab pag-ayo ang publiko sa dihang nanghagad og dance showdown ang American singer nga si Dawin ngadto kang Wally Bayola o Lola Nidora sa AlDub Kalyserye sa Eat Bulaga.

“After watching #Kalyeserye, I would like to have a dance-off with the great @AKOSiLOLANiDORA,” tweet pa ni Dawin  kagahapon. 

 Si Dawin  maoy nagkanta sa  awit nga Dessert nga usa sa perming gamiton sa kalyserye nila ni Alden Richards ug Maine Mendoza.

Kahinumdumanga nadasig si Dawin sa pagtan-aw sa kalyserye human siya nakadungog nga kanunay gamiton ang Dessert.

Panghinaut ni Lovi

Nagmalaumon si Lovi Poe nga mo-click sa publiko ang iyang iyang upcoming movie nga “Lakambini” sama sa init nga paghangop sa mga tawo sa pelikulang Heneral Luna. Ang Lakambini maghisgot sa kinabuhi ni Gregoria de Jesus .

Chiz mahadlok modisturbo

Gibutyag ni Sen. Chiz Escudero nga wala niya gi-require ang iyang asawa nga si Heart Evangelista nga mo-todo og kampanya sa pagdagan pagka-bise presidente.  Dili gusto ang senador nga madisturbo  ang showbiz career sa aktres.

Regine kahibalo mosukli 

Dili hakog ang Asia’s Songbird nga si Regine Velasquez ngadto sa bag-ong singers. Nasayran nga makadaghan na nga higayon nga gihimong special guest si Regine sa pipila ka singers. Suma pa niya  nga dili pud lalim ang iyang naagian kaniadto sa pag-build up sa iyang pangalan busa igo ra siya misukli sa mga grasya nga iyang nadawat.

Sarah mopahuway sa pag-endorso

Gibutyag sa Popstar Princess nga si Sarah Geronimo nga dili siya mo-endorso og pulitiko karong 2016. Suma pa niya nga mopahulay una siya sa maong butang. Kahinumduman nga si Sarah maoy endoser kaniadto nila ni Sen. Sonny Angara ug Sen. Loren Legarda.

Ipasalida sa Amerika

Ipasalida sa pipila ka mga sinehan didto sa Amerika  ang historical biopic nga   “Heneral Luna” nga gibidahan ni John Arcilla. Matud pa nga daghan kaayo ang  ni-request nga mga Pinoy  nga nagbase sa maong dapit  nga motan-aw sa Heneral Luna.

Iuswag 

Dili madayon ang Valentine’s movie nila ni Alden Richards ug Maine Mendoza gumikan kay duna’y problema sa schedule sa APT Entertainment nga maoy mo-produce sa maong proyekto. Si Mike Tuviera unta maoy direktor niini. Himuon na  lang ang maong proyekto sa laing buwan.

Pasok sa Top 8

Nakasulod sa Top 8 sa “The X Factor Australia” ang Filipino-Australian singer nga si Cyrus Villanueva . Kahinumduman nga nahugyaw kaniya ang mga hurado human niya gikanta ang  “Hold Back the River.”

Suporta sa higala

Nagpa-block screening  si Boy Abunda’ sa pelikulang Etiquette For Mistresses isip pagpakita og suporta kang Kris Aquino nga usa sa mga bida sa maong pelikula, Gitambongan kini sa ilang mga suod nga higala. 

Dakong selebrasyon

Gipangandaman og maayo sa production team sa Bubble Gang ang ilang 20th anniversary celebration sunod buwan. Giimbitar nila ang mga kanhi bituon sa maong gag show sa GMA-7.

Jhong magpapili pagka-konsehal

Tsika pa ni Jhong Hilario nga ang iyang amahan maoy nagdasig kaniya nga modagan pagka-konsehal sa Makati City. Suma pa ni Jhong nga naaghat siya gumikan kay nakita niya ang maayong performance sa iyang amahan kinsa naa na sa katapusang termino sa iyang pagka-konsehal. Gusto niya nga ipadayon ang mga nasugdan nga programa sa iyang amahan.

Anne Curtis wala matandog

Gibutyag ni Anne Curtis wala siya magpaapekto sa pagkabanhaw sa iyang haters sa social media.

Nasayran nga init karon ang kompetisyon tali sa It’s Showtime sa ABS-CBN ug Eta Bulaga sa GMA-7.

Una na nga gipadayag sa aktres nga wala siya maghuna-huna og kompetisyon gumikan ka yang labing importante malingaw ang mga tawo sa gipandalit nga mga programa sa telebisyon.

Nagkanayon si  Anne nga dili na lang siya manumbaling sa iyang mga kritiko aron dili maapektohan ang iyang trabaho.Matud pa niya nga naanad na siya sa mga tawong moatake kaniya .

Yaya Dub tangtangon nasa EB!

Kun nibaha ang mga luha sa mga loyal nga tigpaluyo sa AlDub gumikan sa pagbiya ni Yaya Dub paingon sa probinsya atol sa Kalyeserye sa Eat Bulaga kagahapon, gikatahong magmaya ra sab sila sa dili madugay.

Kini kay sumala pa sa nasagap sa  www.getitfromboy.net  ang paglarga matud pa ni Yaya Dub paingon sa iyang iyaan sa probinsya nga si Tiya Bebeng, pamaagi lamang hingpit na nga manamilit o wagtangan ang maong character sa kalyeserye.

Suma pa nga adunay bag-ong character nga ipaila ang kalyeserye sa dili madugay isip hulip kang Yaya Dub. Kini walay laing kun dili si Maine Mendoza na mismo.

Matud pa nga sa pagsulod na ni Maine mismo, musulti na gyud siya ug dili na mag-dubsmash. 

Kahinumduman nga labiha ka emosyonal sa episode kagahapon sanglit nibalik na si Alden Richards human sa usa ka semana nga pagkahanaw, human nga matud pa gisilutan siya sa Eat Bulaga sanglit gibasa niya ang spiel para sa usa ka phone brand nga kakumpetensya sa iyang gi-endorso nga telepono.

Naghinalakay ang AlDub kagahapon lakip na sab ang ilang mga fans nga nagtan-aw sa maong episode gumikan kay wala gyud mapugngi ni Alden si Yaya sa pagbiya na niini paingon sa probinsya, aron matud pa mutago didto aron dili siya makit-an sa iyang inahan nga si Isadora nga giingon mubalik na aron pagkuha kaniya.

Atol sa maong episode giluwatan ni Lola Nidora (Wally Bayola) ang trending kayo kagahapon nga linya nga nagkanayon: Ang hindi pwedeng hawakan ng kamay mo, hawakan mo sa puso mo.

Viva gihatagan og responsibilidad sa TV5

Pormal na nga gipahibawo kagahapon ang pagkatudlo kang Viva big boss Vic del Rosario isip chief strategist for entertainment sa TV5 .

Sa nadawat nga statement sa  PEP.ph (Philippine Entertainment Portal), gisaysay sa maong network ang pagsalig nila kang del Rosari .

Una na nga gilusad kaniadto ang Sari Sari Network (SSN), ang pag-partner sa Cignal ug  Viva Communications . 

Nagkanayon si  TV5 President Noel Lorenzana, nga napanglantawan na gyud niya nga ang pagsulod  ni  del Rosario maoy usa sa mga pamaagi alang sa pagpalambo sa  network, sama sa paghupot niini sa  Viva Entertainment.

“We highly value his expertise and experience in producing blockbuster films and shows through the years and we are optimistic that this new partnership would bear similar success in the future,” nagkanayon si Lorenzana.

Suma pa sa statement sa TV5 nga  banggiitan na ang Viva sa pag-produce og mga artista nga nakamarka gyud og pangalan sa industriya   ug makatabang usab kini sa pag-umol og mga programa nga kagaton sa publiko..

“‘Viva has always pioneered in bringing new talents and creative concepts in ways that the public would highly appreciate so we owe it to our audiences to bring them the best and most interesting shows that they can take to heart and claim as their very own,’ tipik sa statement sa maong network.  (BANAT NEWS)