SEEN: Ngayon ang opening day ng Felix Manalo sa 350 cinemas sa buong Pilipinas. Magkakaroon ng international screening ang Viva Films para sa Felix Manalo.
SCENE: Si Popoy Caritativo ang manager ni Gabby Concepcion sa mga project nito sa GMA 7. Mapapanood si Gabby sa upcoming teleserye ng Kapuso Network na tatampukan nina Carla Abellana at Rafael Rosell.
SEEN: Ang balita na nagkabalikan sina Kris Bernal at Carl Guevarra na in love na in love sa kanyang girlfriend.
SCENE: Sina Aicelle Santos at Jonalyn Viray ang mga special guest ni Regine Velasquez sa concert nito sa The Theater sa November 6, 7, 20, at 21. Co-producer ng Regine concert ang PLDT Home DSL.
SEEN: Tinapos ni Manila City Mayor Joseph Estrada ang premiere ng Felix Manalo sa Philippine Arena noong Linggo bago siya nagpunta sa surprise birthday party para kay German Moreno sa Sampaguita Gardens.
SCENE: Pinayagan ng Sandiganbayan na lumabas ng PNP Custodial Center si Senator Bong Revilla, Jr. para sa dental appointment nito.
SEEN: Kakandidato na konsehal sa 1st District ng San Juan City sa 2016 ang basketball player na si Paul Artadi.
SCENE: Gumagawa ng ingay si Henri Smegmann, ang Entertainment Culture Expert ng News5 Kontrabando. Matindi at matapang ang analysis ni Smegmann sa rivalry ng It’s Showtime ng ABS-CBN at Eat Bulaga ng GMA 7. May dapat ikaalarma ang MTRCB (Movie and Television Review and Classification Board) sa mga salita na ginagamit ni Smegmann sa telebisyon.