MANILA, Philippines - Ikatutuwa ng mga UAAP fans ang handog ng liga, katuwang ang broadcast partner nito na ABS-CBN Sports + Action, sa pagtaguyod ng pinakaunang UAAP Fan Weekend sa Pacific Drive, Mall of Asia Arena para sa dalawa sa mga pinakasikat na event nito. Sa Sabado (October 3), panoorin ang mga top cheerleaders ng bansa sa pagpapakita ng kanilang show school spirit sa pamamagitan ng isang viewing party ng UAAP cheerdance competition at makisayaw naman sa tugtugan ng mga top DJs na sina Marc Marasigan at Kat DJ sa isang malupit na after-party mula 6PM hanggang 9PM. Sa Linggo (October 4) naman, maghaharap ang UP Maroons at Adamson Soaring Falcons bilang pampagana sa mainit na labanan ng magkaribal na Ateneo at La Salle sa main event UAAP basketball.
Tulad ng sa unang araw, maki-party kasama si Bea Valera at Kio Priest pagkatapos ng umaatikabong bakbakan sa hardcourt. Hindi lang yan, ang mga pupunta ay magkakaroon ng tsansa na makilala pa lalo ang kanilang mga idolong atleta sa UAAP tulad nina JR Gallarza ng UP Fighting Maroons, Carmela Tuny ng UST Lady Tigers, Jose at Alfonso Montelibano ng DLSU football team, Shelley Gupilan ng NU Women’s Basketball team, at Mikko Mabanag ng Ateneo football team.
Sina Nikko Ramos, Gretchen Ho, kasama ang UAAP Upfront girls na sina Bea Daez at Natasha Alquiros ang magsisilbing host ng UAAP Fan Weekend.