Ang haba ng pila sa mga sinehang pinuntahan ng kaibigan kong si Veronica Samio nung Lunes ng hapon. Bigo siyang panoorin ang Heneral Luna na napakaganda ng reviews na naririnig niya. Hindi niya kayang pumila at tumayo nang matagal para lang makakuha ng ticket, lalo na sa araw ng mga senior citizens.
Maja dapat may patunayan sa concert
Nakapagtataka ba na magkaro’n muli ng concert si Maja Salvador? Eh napatunayan na niya na pwede siyang kumanta, may boses siya, at magaling pa ang showmanship. Hindi lang sa pag-arte limitado ang talento niya na mapapanood sa MOA para sa kanyang Majasty concert.
Aba, eh pangatawanan mo na ‘yan, Maja. Nakasalalay din diyan ang ikatataas ng posisyon mo sa hagdan ng tagumpay. Eh, wala ka namang pwede pang patunayan pagdating sa acting kaya tama ‘yan na sa pagkanta ka muna lumugar uli.
Pulitikong muntik makabangga sa pamilya ni Oyo, nakahanap ng katapat
Lagot ang pulitikong muntik makaaksidente kay Oyo Sotto at sa pamilya nito. Nakatagpo siya ng tao na hindi mai-intimidate dahil nakasakay siya sa isang kotseng may mababang numero.
Lalong lagot kung driver lamang ang nakasakay sa kotse at wala ang amo.