Yaya Dub hindi nagsalita nang magpa-interview!

PIK: Sa Biyernes na ia-announce ang Final 14 ng Startruck 6, kaya maraming dapat abangan na twists ngayong linggo dahil may power ang mga judge na pumili ng gusto nilang ipasok sa mga finalists.

Pero marami nang natutunan ang mga hopeful sa ilang buwang workshop nila, kaya kahit maaga silang magpaalam ay hindi na sila talo.

Nagkaroon sila ng mall show sa SM Novaliches nung nakaraang Linggo at napatunayan nilang dumadami na ang mga fans. Kaya padami nang padami ang mga taong dumadagsa sa GMA 7 studio tuwing live episode nila sa Biyernes.

PAK: Nakapagtala ng 45.7 percent ang Eat Bulaga sa Mega Manila, samantalang 11 lamang ang sa Showtime noong Sabado. Sa NUTAM Survey naman, 37.2 percent ang Eat Bulaga at pati ang It’s Showtime ay 17 percent.

Hanggang kahapon ay mataas pa rin ang rating at maganda ang feedback sa Eat Bulaga dahil pinag-uusapan pa rin nila ang panliligaw ni Alden Richards kay Yaya Dub (Maine Mendoza).

BOOM: May exclusive interview naman si Ricky Lo kay Yaya Dub na mapapanood sa CelebriTV sa darating na Sabado.

Kakaiba ang interview dahil hindi pa rin naman nagsasalita si Yaya Dub.

Pagkakita ni Yaya Dub kay Kuya Ricky, natuwa ito dahil ang buong akala niya ay magsasalita siya sa interbyung iyon.

Pero hindi pa raw puwede, kaya nairaos ni Kuya Ricky ang interbyung hindi na kailangang magsalita ni Yaya Dub.

Pero gustung-gusto na raw talaga ni Yaya Dub na magsalita, kaya baka malapit na ito dahil magsisimula na rin siyang mag-shooting sa My Bebe Luv nina Vic Sotto at AiAi delas Alas.