Twitter post ni Lea gikalisangan

CEBU, Philippines – Niisa ang kilay sa  pipila ka  netizens sa Twitter post sa singer nga si  Lea Salonga niadtong Sabado sa hapon nga nagkanayon,"Okay lang sa akin ang kababawan, pero hanggang doon na lamang ba tayo? #NagtatanongLangPo".

Wala modirekta si  Lea sa giigo sa  post apan dunay mga pagduda nga posibleng gipasabot niini mao ang mga tawong nalingaw og maayo  sa tandem nila ni  Alden Richards ug  Maine Mendoza sa Kalyeserye sa  noontime show nga Eat Bulaga.

Gi-repost sa  StarStruck director nga si Rico Gutierrez sa Facebook ang screen shot sa Twitter post ni  Lea ug duna'y pipila ka mga personalidad   nga nihatag og komento niini.

Usa sa nihatag og reaksyon mao si Direk  Joey Reyes  ug matud pa niya , "Kanya-kanyang trip lang yan. Mababaw man, napapasaya ang mga tao even for a few hours. Hindi kasalanan yon. Pagiging tao lang yon na kailangang huminga at magpahinga. Your happiness, your choice. There is no such thing as someone's BETTER happiness."

Hinuon duna'y midepensa kang Lea  , sama ni Iza Calzado nga nagkanayon," I don't think she was referring to the Aldub thing. If you read her timeline she was still on her Heneral Luna mindset. What I mean is she was still talking about Heneral Luna and the movie industry."

Dali nga mitubag si Lea  sa maong isyu ug miklaro nga wala siya'y giigo sa iyang Twitter post   sanglit kalit-kalit raman niya nga nahuna-hunaan ang mensahe nga iyang gi-post.

" Wala akong tinatamaan sa tweet ko. Pag meron akong patama, mas diretso ako, wala akong tinatago. This is a midnight thought," suma pa ni Lea.  

Polo nag-sorry sa Call Center Agents

Nangayo og pasaylo ang  aktor nga si Polo Ravales  kalabot sa iyang  Facebook nga naghisgot sa mga  tawo nga nakahuman  og eskwela  apan nagtrabaho sa  call center.

Aduna'y giapilan nga  social networking company si Paolo  ug giaghat niya ang pipila ka tawo nga mosalmot sa iyang team aron makabaton og luag  nga kinabuhi.

"Nag-aral ka sa magandang school tapos ang trabaho call center? Then ang suweldo mo ganun lang... nabawi na ba ang tuition fee na na gastos simula elem hanggang college? Worth it bang sweldo mo sa hirap at pagod mo? Or may pera ka dahil sa nanay at tatay mo? Isa lang ang buhay... sarapan mo na... join my team ipaparamdam ko sa 'yo ang masarap na buhay," saysay pa ni Paulo.

Daghan ang nasakitan sa mensahe sa aktor  partikular na call center agents busa dali niya nga gitangtang ang  iyang Facebook post.

"To all the people who I offended...again sorry...i didn't mean that way...again my sincerest apologies..God bless," suma pa ni Paolo.

My Favorite DJ Seasion 6

Napili na  pinaagi sa text votes ang Top 5  nga maoy mupadayon sa laing hugna ug maoy hingpit nga magtigi pinaagi sa pagpadaghanay na og likes sa official facebook page sa  Banat Hugyaw sulod sa duha ka semana.

Ang pag-like sa hulagway sa paborito ninyo ngha DJ kutob lamang karong October 1 , Huwebes sa alas dos sa hapon.

Pwes ipadayon ang suporta sa imong paborito aron mapili ang "My Favorite DJ" karon nga season. pinaagi sa pag-like sa atong FB page aron maka like ka sa hulagway sa imong idolo.

Busa i-like ang Banat News Hugyaw - BNH sa Facebook NOW NA!

Pastillas girl fan sa AlDub

Fan diay si Pastillas Girl o Angelica Yap sa tandem nila ni Alden Richards  ug Maine Mendoza (Yaya Dub)  ug ang ebidensya niini mao ang nangagi niya nga mga Twitter post.

Nasayran nga si Pastilas Girl maoy pambato sa It's Showtime sa ABS-CBN ug pangtigi sa AlDub kalyeserye sa Eat Bulaga sa GMA-7.

Pipila sa mga post ni Pastillas Girl: