SEEN: “Leave my daughter alone. Leave my granddaughter alone!” ang mensahe ni Jaclyn Jose kay Albie Casiño sa isyu ng DNA test sa aktor para mapatunayan na hindi siya ang ama ng anak ni Andi Eigenmann.
SCENE: Mas nangibabaw ang kaguwapuhan ni Dennis Trillo kesa kay Gabby Concepcion nang magtabi sila sa presidential table sa presscon ng Felix Manalo sa Manila Hotel noong Martes.
SEEN: Ang pagtatapat ni Senator Nancy Binay na marami na siyang natutunan tungkol sa batas mula nang mahalal siya sa senado noong 2013.
SCENE: Ipinakita ni Jasmine Curtis Smith ang acting talent sa mga eksena niya sa Resureksyon ng Regal Entertainment, Inc. at Reality Entertainment. Pinatunayan ni Jasmine na magaling siya na aktres compared sa kanyang kapatid na si Anne Curtis.
SEEN: Idaraos sa Smart Araneta Coliseum sa Sabado, September 26, ang grand kick off ng month-long 6th anniversary celebration ng It’s Showtime.
SCENE: Entertaining na panoorin ang Princess in the Palace ni Ryzza Mae Dizon dahil mabilis at nakakatawa ang mga eksena.
SEEN: Masyadong nagpapakalalim si Arnell Ignacio sa analysis niya tungkol sa rivalry ng It’s Showtime at Eat Bulaga kaya hindi siya maintindihan ng masa.
SCENE: Ang Marriott Hotel ang venue ng baby shower para sa panganay nina Marian Rivera at Dingdong Dantes.