CEBU, Philippines - Giangkon ni John Lloyd Cruz nga dili basta-basta ang iyang papel isip Popoy sa sequel sa pelikulang One More Chance nila ni Bea Alonzo ug dako kini nga hagit kaniya.
Busy na ang aktor sa shooting sa sequel sa maong 2007 blockbuster film ug mensahe niya sa iyang fans nga dili mag-expect og dako ilabi nga taudtaud na pud nga wala sila mag-uban ni Bea sa pelikuka.
“Huwag muna masyadong mataas ang expectations kasi actually mahirap eh [dahil] you’re talking about eight years magmula nong nakita [ang movie] ng mga tao,” saysay pa niya ngadto sa push.com.ph.
Gipasalig hinuon sa aktor nga tarungon gyud nila ang ilang performance aron mahimuot gyud ang ilang fans.
“We’re hoping na kung ano man ‘yung nagawa namin and kung saan man nadala ‘yung istorya sana magustuhan nila,” dugang pa sa aktor.
Nathan, John ug Neil sa MMK
Karong gabii na masaksihan ang talagsaon nga istorya sa Maalaala Mo Kaya nga maghisgot sa tulo ka managhigala nga bayot nga gipang-kidnap sa mga rebelde.
Sila si Neil Coleta, John Manalo ug Nathan Lopez maoy mga bida sa maong episode kung diin sa maong istorya, gipakita ang kalig-on sa ilang panaghigalaay bisan pa man sa mga lisod nga sitwasyon nga ilang giatubang.
Nagkaila ang tulo sa usa ka city state college hangtud naabot ang panahon nga na-hostage sila sa Moro National Liberation Front (MNLF).
Ang maong episode gilangkoban usab nila ni Junjun Quintana, Patrick Sugui, Lemuel Pelayo, Alcris Galura, Almira Muhlach, Joe Vargas, Alan Paule ug ubos kini sa direksyon ni Dondon Santos.
Alden pasok sa MV ni Aicelle
Aduna’y special participation ang Pambansang Bae nga si Alden Richards sa latest music video ni Aicelle Santos nga “Kapangyarihan ng Pag-ibig” ubos sa Ivory Records.
Human gi-post ang maong video sa nagkadaiyang site, gibahaan dayon kini og mga like gikan sa fans ni Alden.
Nasayran nga nagpusot-pusot ang mga proyekto sa aktor sukad nahulma ang kalyeserye nila ni Maine Mendoza sa noontime show nga Eat Bulaga. Aduna pa’y nakalinya nga mga proyekto si Alden sa GMA-7. (Sanden J. Anadia)