Hubog si Ellen?

CEBU, Philippines – Nagduda ang mga netizen nga hubog si Ellen Adarna atol sa Star Magic Ball niadtong Sabado sa gabii gumikan niining maong mga hulagway nga namantala sa www.fashionpulis.com. May mga naluoy kang Ejay Falcon gumikan kay na uwawan matud pa kini sa gibuhat ni Ellen. May mga napungot sab kang Ellen gumikan kay dili matud pa kini sakop sa Star Magic apan mao pay nagkiat.

Co-stars sila si Ellen ug Ejay sa Pasion de Amor ug gidungog nga aduna nay relasyon sa usa’g-usa.

Cristine ug Ali engaged na!

Engaged na si Cristine Reyes ngadto sa iyang boyfriend nga si Ali Khatibi ug gianunsyo kini sa aktres  kagahapon.

Gi-post ni Cristine sa Instagram ang  hulagway sa iyang kamot kung diin aduna nay engagement ring uban sa kamot ni Ali ug sa anak nila nga babaye nga si Amara.

Gipanganak ni Cristine si Amara niadtong Pebrero 8 ug nagkaila sila ni Ali niadtong March 2014.

Una na nga gipadayag ni Cristine nga pangandoy gyud niya nga mopaso sa altar sa kaminyuon busa puwerte niyang lipaya gumikan kay matuman na gyud kini. Wala pa hinuon gidetalye sa aktres ang tataw nga petsa sa ilang kasal. 

Cebuano designers sa Star Magic Ball 2015

Unom ka mga artista nga nisalmot sa Star Magic Ball niadtong Sabado sa gabii ang nagsul-ob og mga mugna sa mga Sugbuanong designers.

Sila si Isabelle Daza, Maricar Reyes ug Denise Laurel nagsul-ob sa mugna ni Vania Romoff, samtang si Iza Calzado ug Kim Jones nagsu-ob sa desinyo ni Jun Escario.

Si Dionne Monsanto nagsul-ob sab sa mugna ni Roger Salazar.

Samtang pipila sa mga loveteams sa ABS-CBN ang nilugwa gyud sa maong kalihukan. Kini naglakip kanila Kathryn Bernardo ug Daniel Padilla, (KathNiel), ug Liza Soberano ug Enrique Gil (LizQuen). Didto sab syempre ang managhigugmaay nga sila si John Lloyd Cruz ug Angelica Panganiban.

Show comments