International training coach fan ng VGood Malunggay Juice
MANILA, Philippines – Isang kilalang training coach sa Amerika ang tumatangkilik sa VGood Malunggay Juice, isang lokal na produkto na gawa sa purong katas ng malunggay.
Si Jeffrey Cordera, lisensyadong Coach sa Amerika at bagong training camp coach ng Golden State Warriors, ay tubong-Cebu na dating nagtatrabaho bilang isang dispatcher. Ngunit dahil sa kanyang determinasyon upang matupad ang kanyang mga pangarap, siya ay nagpursigi at ngayon ay nagtatrabaho na bilang trainer ng mga manlalaro gaya ni Reggie Hearn. Si Hearn ay isang Snider galing Northwest at beterano sa NBA D-League.
Si Cordera at Hearn ay parehong tagatangkilik ng VGood Malunggay Juice dahil sa mabuting naidudulot nito sa katawan. Bawat bote ng VGood ay naglalaman ng puro at natural na ingredients galing sa mismong dahon ng malunggay. Ito ay ready-to-drink at masarap!
“Gusto namin na maging konsyus ang mga Pilipino pagdating sa kanilang kalusugan. Dahil dito, naisip namin gawin ang VGood Malunggay Juice,” ayon kay Leonhardt John Cabahug, may-ari ng VGood Malunggay Juice.
Upang makatulong sa pagpapalaganap ng importansya ng pagpapahalaga sa kalusugan, balak bumalik ni Cordera sa bansa kasama si Hearn at magturo ng basketbol sa mga batang Pilipino.
- Latest
