Enrique nag-sorry kampo Jessy ni mokiha
CEBU, Philippines - Taliwala sa pagpangayo og pasaylo ni Enrique Gil niadtong Biyernes sa gabii pinaagi sa TV Patrol report ni Mario Dumaul kabahin sa nahitabo sa ilang flight paingon sa London, nag-ung-ong ang posibilidad nga ikiha sa inahan ni Jessy Mendiola ang nahisgutan.
Gisapot ang inahan ni Jessy nga si Didith Garvida gumikan kay mao pa matud pa kini ang gi-bash nga unta mao man kini ang nabiktima. Luoy matud pa kaayo si Jessy suma pa sa iyang inahan sanglit nagpakahilom ra gyud kini sa mga panghitabo sa eroplano.
Suma pa ni Garvida nga inay awayon nila si Jessy, angayan nga magpasalamat na lang ang mga fans ni Enrique nga walay gisulti ang iyang anak sa gidangatan niini atol sa maong hitabo diin nakainom ang young actor.
Gibutyag usab ni Garvida nga wala mahusay ang unsay nahitabo pag-abot nila ni Jessy didto sa London kauban ang uban pang ASAP stars.
“It was not settled in London and you better stop now.
‘There might be consequences for you bashing Jessy. Maaalanganin. Kaya stop na kayo.
“Kayo ang overacting. Itigil nyo na yan. Warning you again ha”, nagkanayon si Garvida sa Instagram ug gimantala sa www,pep.ph.
Sorry
Samtang sa TV Patrol niadtong Biyernes nag-public apology si Enrique kauban ang iyang ka loveteam nga si Liza Soberano. Giangkon niya nga nakainom siya ug nasobrahan ang iyang nainom hinungdan nga nahitabo ang dili angay mahitabo.
Nag-sorry siya sa iyang mga kaubanan nga Kapamilya stars, kang JM de Guzman nga uyab ni Jessy ug sa dalaga mismo.
“Tao lang, nagkakamali.
“We all make mistakes but you own up to it, you learn from it, and move forward.
“It’s the first and last time this will ever happen.”
- Latest
