Alden at Yaya Dub hindi pa rin magkikita kahit may TVC

Parang opening ng pelikula o kaya’y pilot airing ng teleserye kung aba­ngan ng AlDub fans nina Alden Richards at Maine Mendoza aka Yaya Dub ang airing ng TVC (TV commercial) ng McDonald’s, ang first endorsement ng loveteam. Excited ang lahat na mapanood ang dalawa outside Eat Bulaga at mangyayari na ‘yun ngayong Biyernes na sinasabing airing ng TVC.

Sa teaser na inilabas ng McDo, una ‘yung pinkie finger swear lang nina Alden at Maine ang ipinakita at sinundan ng small part ng kanilang mukha habang nagha-hand sign na sign ng McDo. Sa TVC, hindi pa rin magkikita sina Alden at Maine, pero solve na rito ang fans, basta makita lang silang magkasama.

Ang sunod na ipalalabas ay ang TVC ng ADlub love team ng Talk ‘N text. Kasama na sila nina Robin Padilla at Marian Rivera na endorser ng TNT.

Jeric nailangan

Hindi nakiiyak si Jeric Gonzales kay Ken Chan na lead star ng Destiny Rose sa presscon ng nasabing soap. Nauna nang umiyak si Jeric nang hindi mapili sa role ni Joey/Destiny Rose nang siya’y mag-audition. Bukod sa naiyak, nalungkot, at sumama ang loob niya na naitsa-puwera siya.

Agad napalitan ng tuwa ang lungkot ni Jeric nang malamang kasama siya sa cast at gagampanan ang role ni Vince, ang childhood friend ni Joey (Ken) at kaiinlaban nito.

Kuwento ni Jeric, nailang siya sa almost kissing scene nila ni Ken dahil hindi pa niya ito masyadong kilala at hindi sila dumaan sa sensuality workshop. Ngayong komportable na siyang maging love interest ni Ken ay gagawin na nito kahit ano ang ipagawa sa kanila ni director Don Michael Perez.

Sa September 14, after Buena Familia ang airing ng Destiny Rose.

Heart pinagtaksilan si Lovi

Best friends in real life sina Heart Evangelista at Lovi Poe, pero magi­ging magkaaway sila sa Beautiful Strangers dahil sa pagtataksil nina Joyce (Heart) at Noel (Rocco Nacino).

May Team Kristine at Team Joyce sa viewers ng teleserye. “Magkaaway” muna ang mga supporter kapag palabas ang Beautiful Strangers, at saka na lang uli magbabati ‘pag tapos na ang palabas.

Samantala, guest si Heart sa Sarap Diva hosted by Regine Velasquez-Alcasid. Sasamahan ni Regine si Heart sa isang “shopping’s free” para mamili ng home decors para sa ipinapatayong bahay nila ni Sen. Chiz Escudero. Ituturo rin ni Heart kay Regine kung paano niya ginagawa ang hand-painted Hermes bags na pinagka­kaabalahan niya ngayon bukod sa taping ng Beautiful Strangers. 

Mark nanliligaw na naman kay Winwyn!

Nang makausap si Mark Herras sa presscon ng Starstruck 6 at matanong tungkol kay WinWyn Marquez, paligaw pa lang daw siya sa dalaga at hindi lang natuloy dahil naging busy ito sa paghahanda sa Bb. Pilipinas. Hindi na raw siya sumabay sa sobrang busy nito.

Ngayon naman, gustuhin man niyang ituloy ang panliligaw kay WiwnWyn, hindi pa rin niya magawa dahil busy ang dalaga sa pagtulong sa kandidatura ng inang si Alma Moreno. Balita ka­sing tatakbong senador si Alma sa 2016 elections.

Pero sa nakita naming latest pictures na pinost ni Mark sa Instagram (IG), mukhang nagpaparamdam uli siya kay WinWyn. Magkasama ang dala­wa sa Boracay at batay sa mga litrato, pamilya ni WinWyn ang pumunta ng Boracay at si Mark lang yata ang hindi family member.

May mga nagtanong kay Mark kung nanliligaw ba uli siya kay WinWyn o kung sila na, pero hindi nito sinagot ang mga tanong ng kanyang followers.