Ai-Ai manglibre sa iyang mga staff sa Japan

CEBU, Philippines – Dalhon ni Ai-Ai delas Alas ang iyang mga staff ugma didto sa Japan ug siya maoy mogasto niini.

Gisaulog sa komedyanteng aktres ang ika-25 niya nga anibersaryo sa showbiz busa nagpasalamat siya sa mga tawo nga kabahin sa iyang kalampusan.

Dalhon ni Ai Ai sa maong nasud ang iyang photographer, stylist, make-up artist ug ang pinili niya nga mga higala nga nahimong kabahin sa kalamboan sa iyang career.

Inigbalik sa aktres dinhi sa nasud, mangandam na usab siya sa bag-o niya nga show sa GMA-7  nga Celibri-TV.Ang maong programa maoy mohulip sa showbiz talk-show nga StarTalk.

Sugdan na usab niya karong buwana ang shooting sa umaabot nila nga pelikula ni Vic Sotto  nga “Romcom-in Mo Ako  nga entry sa Metro Manila Film Festival 2015. 

Piolo, Paulo ug KC nagtingog na sa London!

Gipamatud-an nila ni Piolo Pascual ug KC Concepcion nga hingpit na gyud nila nga gipadaplin ang paet nila nga kaagi kaniadto.

Nagkaistoryahanay na gyud ang kanhi nga mag-uyab sa dihang nagkauban sila didto sa London alang sa ASAP World Tour.

Kahinumduman nga gitak-op nila ang relasyon 2011 busa taud-taud na gyud sila nga wala  magkatingog.

Sa pagtikang nila sa London, nakahigayon ang mga bituon sa ASAP sa pagpanuroy busa nakahigayon gyud sila si KC ug Piolo sa pag-istoryahanay.

Dali nga naka-post si KC og hulagway sa Instagram kung diin katupad niya ang aktor.

Gitagad usab sa aktres ang lain niya nga ex-boyfriend nga si Paulo Avelino ug nagkatupad gyud sila niini sa bus.

My favorite DJ

As of 2pm, September 8, 2015

1. DJ Ru (Oomph Radio 105.1)          222

2. DJ Ace (MOR 97.1)    195

3. James “Spider“Kaka(MOR 97.1)   193

4. Prinsepe Amante (Brigada News  FM 93.1)     172

5. Boy Maxoy (MOR 97.1)    164

6. Papa Joe (Barangay RT 99.5)   144

7. DJ Kimyat (MOR 97.1)    138

8. Papa Piolo Askal (Barangay RT 99.5)    131

9. Macho Bibo (107.5 Win Radio)     125

10. Lady Dada (107.5 Win Radio)     119

Napili na  pinaagi sa text votes ang Top 10 nga maoy mupadayon sa ikaduhang hugna diin pilion ang Top 5, nga maoy hingpit nga magtigi pinaagi sa pagpadaghanay na og likes sa official facebook page sa  Banat Hugyaw sulod sa 10 ka adlaw. Pwes ipadayon ang suporta sa imong paborito aron masulod siya sa Top 5 pinaagi niini:

1. Supurtahi ang mong favorite DJ, pinaagi sa pag-text sa imong ngalan ug address unya ngalan ug estasyon sa imong paborito nga DJ. Ipadala ka na ngadto sa 09363784330 Example:  Gladys Versache, Guadalupe, Cebu City. (Pangalan sa DJ ug pangalan sa station).

2.  I-like ang among FB page aron makasuporta ka sa imong paborito kun ugaling mu-abante siya ngadto sa ikaduhang hugna. I-like ang Banat News Hugyaw – BNH sa Facebook.