MANILA, Philippines – Time heals all wounds. Yup finally, after four years, nagkaayos na ang mag-ex na sina Piolo Pascual and KC Concepcion.
Si KC ang nag-post ng photo nila ng actor sa kanyang Twitter account na ang caption lang ay ‘Opo.’
Naganap ang pagbabati ng dalawa matapos umanong mag-usap sa isang restaurant sa London. Kasama sila sa maraming Kapamilya stars na naging bahagi ng ASAP 20 Live in London.
Wala namang ibinigay na statement si Piolo sa naging pagkakaayos nila ng ex-GF.
Naging malaking issue ang break up nila noong 2011 lalo na nang magsalita si KC sa The Buzz. Pero ang kuwento noon ay edited umano ang nasabing interview ni KC kay Tito Boy Abunda dahil maraming pasabog ang hindi nakapasa sa mga bossing ng Kapamilya Network.
Pero ang hindi malimutan sa nasabing interview ng marami ay nang sabihin niyang may mga bagay sa kanilang relasyon ng actor na hindi niya kayang lunukin.
Marami noong napaisip kung ano ba ang totoong meaning ng statement ni KC kaya maraming speculations ang lumabas.
Ayon naman kay KC though wala siyang direktang tinutukoy kung para kay Piolo ‘yun, “After all that we’ve been through, I know we’re cool.”
From London ay dumiretso sa Paris si KC.
AiAi napagkamalang walang datung ng waitress sa New York
Nakaramdam ng discrimination si AiAi delas Alas sa katatapos niyang biyahe sa New York para sa Kapusong Pinoy. Ang kuwento ni Ai sa kanyang Instagram account, na nasa bansa na, nang umorder siya ng marami sa isang restaurant sa NY dahil sa sobrang gutom ay hindi raw siya nakaayos, pinagdudahan siya ng waitress na walang datung.
Kaya naman kinausap niya ang Italian owner para isumbong ang waitress na malisyosa at judgmental.
“Napakadami kong inorder… E hindi ako nakaayos feeling cguro nila wala akong pambayad.
“Gutom na gutom ako d ako nag dinner yung waitress feelingera na ang dami ko daw kakainin sabi ko madami ako pambayad. Ayun ngayun na tsika k tuloy may ari italiano. Ang saya mag italian.” breakfastinnewyork #dontjudgethebookbyitscover
Kaloka ang waitness noh. Ano kaya ang nationality nito? Wala ring binanggit kung anong restaurant ang kinainan ni AiAi.
Yassi Pressman may sariling album na
Paarangkada na nga ang career ni Yassi Pressman. Ngayong araw ay nakatakdang i-launch ang kanyang solo album under Viva Records.
Si Yassi ang pinu-push ngayon ng Viva Artists Agency.
In fairness, deserve naman siya. Very versatile si Yassi dahil bukod sa magaling sumayaw at kumanta, nakakaarte pa siya.
Tumatak ang character niya sa Diary ng Panget bilang kontrabida ng super sikat na loveteam ngayong sina James Reid and Nadine Lustre.
Malapit na ring matapos ang launching flick nila ng ka-loveteam niyang si Andre Paras.
Fashion show ni Heart naudlot
Hindi raw tuloy bukas ang fashion show gala ni Mrs. Heart Escudero with fashion designer Mark Bumgamer.
Collaboration daw ng dalawa ang irarampa ng actress sa nasabing fashion show.
May ibinigay na rason ang source, pero saka na raw puwedeng ikuwento kung bakit hindi natuloy ang nasabing fashion show.