MANILA, Philippines - Talaga namang bongga ang participation ng Kapuso Network sa Kadayawan Festival ngayong weekend! Ngayong Linggo nga ay darating ang stars mula sa afternoon prime series na Buena Familia para makisaya sa fans nila sa Gaisano Mall of Davao! Makakasama ng mga Dabawenyo roon sina Kylie Padilla, Martin del Rosario, at si Julian Trono!
Naroon din sina Rhian Ramos at Mike Tan, ang gumanap na magkapatid na tila nagkapalit yata ng kasarian mula sa katatapos lamang na daring series na The Rich Man’s Daughter. Join din siyempre sa kanila si Mikael Daez mula naman sa maingay na maingay na My Faithful Husband. Sa Abreeza naman mapapanood ang tatlo para makipag-bonding sa kanilang supporters.
At alam n’yo bang bago pa mapanood sa ere sa Lunes ang inaabangang primetime series na Marimar, sina Megan Young at Tom Rodriguez—ang bagong Marimar at Sergio—ay pinainit pang lalo ang celebration ng pinakamalaking festival sa Davao! Nagpakilig lang naman ang dalawa sa kanilang mall show na ginanap noong Biyernes! Bagay na bagay talaga ang dalawa at kitang-kita ang chemistry nila kaya naman marami ang nag-aabang sa pag-ere ng Marimar.
Talaga namang na-enjoy ng mga Dabawenyo ang numbers na pinaghandaan nina Megan at Tom sa SM City Davao. At heto pa, ito ang kauna-unahang regional promo tour ng dalawa para sa nasabing show—o say n’yo, ang bongga ng Davao di ba?