JaDine gikagubtan sa netizens

CEBU, Philippines - Ang  kasal nila ni Nadine Lustre ug James Reid sa seryeng On The Wings of  Love maoy  gipistahan sa netizens sa nagkadaiyang blogs ug social media sites niadtong Huwebes sa gabii.

Sa  istorya sa maong serye, napugos ang duha nga magpakasal aron lang gyud nga madugay ang pag-istar ni Nadine didto sa Amerika.

Magsige og lalis ang duha busa daghan ang gikilig sa dihang gikasal na sila.

Nasayran nga dili na gyud mabang-bang ang kasikat sa JaDine sukad gilusad ang ilang loveteam kaniadto pinaagi sa pelikulang “Diary ng Panget ” ug   nasundan kini sa “Talk Back And You’re Dead”.

Nagkapares usab ang duha sa Para sa Hopeless Romantic  ug nilugwa sila sa   “Wansapanatym” mini-series  sa ABS-CBN nga “My App Boyfie,”. (Sanden J. Anadia)