Rufa Mae puro pasa ang katawan, pero nagawa pang i-video ang sarili sa ospital sikat na manghuhula at radio broadcaster na si Rene Mariano pumanaw na

SEEN: Disturbing ang mga social media post ni Rufa Mae Quinto habang naka-confine siya sa ospital pero hindi niya sinasabi ang kanyang sakit. Punum-puno ng mga pasa ang katawan ni Rufa Mae.

SCENE: Sa kabila ng physical pain na nararamdaman, may time si Rufa Mae Quinto na i-post ang kanyang crying and no dialogue video.

SCENE: Sumakabilang-buhay kahapon dahil sa atake sa puso ang sikat na manghuhula at radio broadcaster na si Rene Mariano. Regular guest noon si Mariano sa showbiz oriented talk show ni Inday Badiday. Nakaburol ang labi ni Mariano sa Funeraria Rizal, Libertad Street corner Tramo Street, Pasay City.

SCENE: Tie sa weekly finals kahapon ng Bulaga Pa More ng Eat Bulaga sina Ryzza Mae Dizon at Patricia Tumulak. Si Patricia ang bet at favorite contestant ni Joey de Leon sa Bulaga Pa More na nang manalo ay hinalik-halikan niya.

SEEN: Ang former sexy starlet na si Ina Alegre ang official representative ng Pilipinas sa Mrs. Universe 2015 na idaraos sa August 29 sa Minsk, Belarus. Si Ina ang producer ng 2008 action movie na Banal at asawa siya ni Senior Supt. Gilbert Cruz, ang deputy district director for operations ng Southern Police District.

SCENE: Ngayong gabi, 8 p.m., ang television premiere sa Cinema One ng The Trial, ang pelikula na pinagbibidahan nina Richard Gomez, Gretchen Barretto, at John Lloyd Cruz.

SEEN: Kailangang mag-isip ng creative team ng It’s Showtime ng mga bagong segment at pakulo upang mapantayan nila ang mataas na ratings ng Eat Bulaga na humahataw nang husto dahil sa AlDub fever.