Nabuking na “Papaw” ang tawag (o baka term of endearment) ni Jennylyn Mercado kay Dennis Trillo nang mag-react ang aktres sa Instagram (IG) account ng aktor dahil ang table calendar niya ng Tanduay ay itinabi sa cover ng vinyl album ni Bob Marley.
Favorite singer ni Dennis si Bob Marley. Ang caption ni Dennis ay “Good morning Bob”
Ang reaction ni Jennylyn sa ginawa ni Dennis ay “Papaw napaka sexy naman niyang dilag na ‘yan @dennistrillo.”
Sayang at hindi sinagot ni Dennis ang comment ni Jennylyn pati ang comment ng kanyang followers na ang agang nagpakilig.
Anuman ang terms of endearment ng dalawa, kinikilig pa rin ang DenJen fans at bukod nga sa flow ng story ng My Faithful Husband, ang kilig scenes ng dalawa ang palaging inaabangan.
Mapapanood pala sina Jennylyn at Alden Richards sa May-December love affair sa Wagas. Teacher ang role ni Jennylyn at mai-in love sa kanya ang student niyang si Alden.
Finalists sa Mossimo Music Summit may K manalo
Kahit sino kina Kristel Herrera, Zsaris Mendioro, Mark Francis Reyes, at ang trio ng OTM ang manalo sa grand finals ng Mossimo Music Summit 2015 na gaganapin sa August 21, Friday, 4 p.m. sa Trinoma Activity Center, ay may karapatang manalo dahil ang huhusay ng finalists.
Nang ipakilala sila sa press at mag-sample ng talent, talagang hinangaan sila sa galing at magtatanong ka kung bakit ngayon lang sila lumabas at narinig ng tao.
Alden pinaalalahanangmagpakatino sa U.S.
Nabulabog ang AlDub fans nina Alden Richards at Yaya Dub sa pinost na picture ni Christian Bautista sa IG. Magkakasama sila nina Alden, Rita Daniela, Betong, direk Mark Reyes, at Julie Anne San Jose habang nasa U.S. Embassy at inasikaso ang papers para sa pag-alis sa September show na 10th Anniversary ng GMA Pinoy TV.
Nag-react ang AlDub fans dahil makakasama ni Alden sina Julie at Rita Daniela na parehong na-link sa kanya. Baka raw makalimutan niya si Yaya Dub habang kasama ang dalawa.
Worried din ang fans kung ano ang mangyayari sa Kalye Serye kung nasa Amerika si Alden, kaya ang wish nila, magkita na sila bago umalis si Alden sa September.
Pagkatapos palang pumirma ng exclusive movie contract sa APT Films, pumirma naman ng recording contract sa GMA Records si Alden.
Pagiging panadero ni Mark extended!
Good news sa fans ni Mark Neumann ang balitang extended up to September ang Baker King, ang Philippine adaptation ng well-loved Korean novela na pinagbibidahan niya. Kahit madadagdagan ang taping schedule ni Mark at ng ibang cast, masaya sila dahil masusunod nila ang buong story ng Korean novela at hindi isu-shortcut.
Hindi nabanggit kung hanggang ilang weeks ang extension ng Baker King na napapanood sa TV5, Mondays to Fridays.