After Paulo Avelino, isa na namang Paolo ang sinasabing bagong love ni LJ Reyes, si Paolo Contis. Pero, bakit ang dami kong naririnig na tutol sa relasyon ng dalawa? Sino ba sa dalawa ang may diperensya, sino? At eh, ano kung nagreregalo ng mamahaling bagay si Paolo kay LJ, e kung kaya naman niya?
Maricel lumantad na!
O, kayong naghahanap kay Mary, Maricel Soriano, ayun at lumitaw na siya sa Eat Bulaga at nagsayaw pa!
Hanap kayo nang hanap sa kanya na iniisip niyo ay nawala o nakidnap na, ‘yun pala andyan lang siya at naghihintay na mabigyan ng bagong proyekto.
Kayong mga prodyu, ano pa ang hinihintay n’yo?
Rocco hindi pa kayang iwan ang trabaho para mag-doktor!
Like pala talaga ni Rocco Naino na ituloy sa pagdu-doktor. Ang natapos niyang kurso ay nursing pero lubhang napaka-busy niya para maibigay niya ang panahong kinakailangan ng isang gustong maging doktor.
Hindi na niya kinakailangang i-give up ang pag-aartisa niya pero, kailangang magbawas siya ng load, mga 80%.
Kaya na ‘yun? Eat Bulaga nakakatulong sa paggaling ko
Wala naman akong masabi at hindi ko ma-explain ang tuwa at saya na naramdaman ko sa ginawa kong panonood ng Eat Bulaga kahapon. Nakakahawa talaga, lalo’t alam ko ang maraming sayaw na ipinamalas sa portion nilang Throwback Pa More.
Ganung mga palabas ang gusto kong makita para mas mabilis pa akong gumaling. Salamat, Eat Bulaga.