CEBU, Philippines – Wala mabalaka si Matteo Guidicelli sa panglantaw sa ubang mga tawo nga matud pa dili magdugay ang relasyon nila ni Sarah Geronimo gumikan sa ka-OA (over acting) sa mga ginikanan sa singer. Gitataw ni Matteo nga nagkahigugmaay sila ni Sarah busa dili siya magpadala sa opinyon sa ubang mga tawo.
Kasabotan
Gipadayag ni Claudine Barretto nga dili na sila magdinaotay ni Raymart Santiago alang-alang sa ilang mga anak nga sila si Sabina ug Santino. “I actually talked to Raymart, napag-usapan namin na sana let’s not talk about each other anymore. Let’s not accept questions regarding each other kung hindi maganda ‘yung sasabihin natin. We are trying to be good parents for the kids. We failed as husband and wife, we are trying to not fail as parents now,” suma pa ni Claudine.
Vhong magpa-relax sa HK
Motikang karong semanaha sa Hongkong si Vhong Navarro uban sa iyang mga anak ug girlfriend nga si Tanya Bautista. Pahimuslan ni Vhong ang mga adlaw nga wala siya’y trabaho.
Bag-ong singer
Nagmalaumon ang bag-ong pop balladeer sa Star Music nga si Edward Benosa nga mohangop ang mga tawo sa iyang mga kanta. Kini naglangkob sa Ikaw Lang, Paglisan, Puso Kong Ito, Sa Piling Mo, Why Didn’t You Stay, ug Stay .
Opinyon ni tiya
Kung si Claudine Barretto ang pasultion, okay ra kaniya nga wala’y ka-loveteam ang iyang pag-umangkon nga si Julia Barretto. Suma pa ni Claudine nga seguradong mouswag og maayo ang career ni Julia gumikan sa ka maayo mo-arte niini.
Dawaton na lang
Tambag ni Alex Gonzaga sa mga tawo nga nagpaniwang nga mokaon lang gyud og sakto ug dawaton na lang kung unsa gyud ang pamorma sa iyang lawas. “Kung anong ibinigay sa ‘yo ni Lord, appreciate mo na lang,” suma pa ni Alex.
Kinsa man gyud?
Nibaha ang mga sugyot sa mga tawo nga kinahanglan nga naa ra nila ni Megan Young ug Max Collins ang mahimong modala sa remake sa Marimar. Wala pa’y final nga hukom niini ang GMA-7.
Bianca nagpakaon sa mga bata
Aduna’y birthday party si Bianca Umali sa miaging adlaw kung diin kauban niya ang street kids gikan sa Kaisahang Buhay Foundation. Malipayon si Bianca gumikan kay nakapaambit siya sa mga grasya nga iyang nadawat.
Bea mikatawa lang
Igo lang mikatawa si Bea Alonzo sa tsismis nga matud pa nagsabak siya . Una na nga gipadayag sa aktres nga ang iyang career maoy iyang prayoridad karong panahona ug kontento na siya sa maayong dagan sa ilang relasyon ni Zanjoe Marudo.
Kyla nakulbaan gihapon
Dul-an na sa usa ka buwan human nibalhin si Kyla gikan sa GMA Network paingon sa ABS-CBN apan giangkon niya nga duna gihapon siya’y gamay nga kakulba. “I’m just really, really happy na nandito ako, pero siyempre mayroon pa ring mga kaba, ganyan,” suma pa ni Kyla.
Okay ra magpa-sexy
Bukas si Eula Caballero sa posibilidad nga mahimong cover puhon sa usa ka men’s magazine apan dili pa niya matino kung kanus-a kini mahitabo.
Himala
Sikat gihapon hangtud karon ang pelikula ni Nora Aunor nga Himala busa ipasalida kini og balik sa ABS-CBN karong Huwebes Santo sa gabii. Kahinumduman nga kadaghan na nga higayon nga gisalida kini sa telebisyon.
Career ni Jon nahilom
Usa ka tuig na nga wala’y proyekto si Jon Lucas sa ABS-CBN. Katapusan siya nga nilugwa sa seryeng Got To Believe nga gibidahan nila ni Kathryn Bernardo ug Daniel Padilla. Giangkon ni Jon nga nasuya siya sa ubang artista nga nagsagunson ang mga proyekto sa ABS-CBN.
Sexy gihapon
Gipasigarbo ni Sunshine Cruz ang iyang sexy nga lawas bisan pa man nga nag-edad na siya karong 37. Suma pa sa aktres nga nagdepende ra gyud na sa disiplina sa kaugalingon.
Megan balik GMA7!
Mipirma og one-year contract sa Kapuso network kagahapon si Miss World 2013 Megan Young ug misaksi sa pinirmahay sila si GMA-7 executives Felipe Gozon, Jimmy Duavit, ug uban pa.
Si Megan maoy co-host ni Dingdong Dantes sa bag-ong season sa reality talent show nga “Starstruck” .
Una niini, gidungog nga may negosasyon aron si Megan maoy padad-on sa papel nga “Marimar” nga gitakdang himuon pag-usab sa GMA7 karong tuiga.
Gipadayag sa 25 anyos nga aktres nga panahon na nga mapalapdan niya ang iyang abilidad sa hosting ug acting.
Kahinumduman nga nagsugod ang career ni Megan sa GMA-7 niadtong 2004 diin nahimo siya nga finalist sa ikaduhang season sa “Starstruck” .
Nasuwayan na usab niya ang pagtrabaho sa ABS-CBN ug TV5 busa laktod pagka-istorya, natuyok na niya ang tulo ka mga major network sa nasud.
Coco ug Toni gihimo ang tanan sa para boss
Gibutyag ni Toni Gonzaga nga usa ka dakong hagit kaniya ang tandem nila ni Coco Martin sa pelikula You’re My Boss gumikan kay seryoso kini nga aktor apan masaligon siya nga malingaw gayud ang katawhan sa ilang panagpares gumikan sa ilang makaukay nga mga eksena.
Nitikang ang duha niadtong Lunes dinhi sa Sugbo kung diin nisugwak ang liboan nila ka fans sa ilang mall show diha sa SM City Cebu ug SM Consolacion.
Sa pakighinabi ni Toni ngadto sa mga sakop sa Cebu Entertainment Group (E-Group), giangkon niya nga dako kaayo og matabang ang Cebu sa kalampusan sa ilang pelikula .
“Kung meron kaming i-promote na pelikula, hindi talaga namin makakalimutan ang Cebu . Pinupuntahan talaga namin ang Cebu , kasi noon pa lang, palagi na kayong sumusuporta sa mga pelikula ng Star Cinema,” nagkanayon si Toni.
Samtang gipadayag ni Toni nga wala siya mahadlok sa posibilidad nga maapektohan ang pelikula sa nasugatan niya nga kontrobersiya sa Binibining Pilipinas.
“Wala namang dapat ikatakot, sa tagal ko na sa industriyang ito nasasanay na ako sa mga ganyan. Basta segurado ako na maganda ang project na ito (You’re My Boss). Hindi na ako nagpapadala sa mga negatibong bagay para naman hindi maapektohan ang trabaho natin,” nagkanayon si Toni,
Gipadayag ni Toni nga komportable na kaayo siya sa paghimo og romantic comedy gumikan kay dinhi siya nahaom busa wala siya’y plano nga modawat og sexy projects.
“Nang dahil sa mga romcom, nalaman ko na dito pala ako nababagay dahil nae-enjoy ako sa ginagawa ko. Kahit pagtatawanan ako ng mga tawo ay okay lang, kasi dun mo nalalaman na epektibo ang ginagawa mo,” dugang pa sa aktres.
Nasayran nga si Toni maoy naghatag og ideya sa istorya sa You’re My Boss ug gipanindot kini ni Antoinette Jadaone nga maoy ilang direktor.
Suma pa sa aktres nga dako gyud kaayo og natampo si Direk Antoinette gumikan kay nakahibalo dayon kini sa pagpalapad sa istorya nga seguradong malingaw gyud ang viewers.
“Ang importante kasi, na ma-kwento ng mabuti ang istorya , at nakakatulong din si Coco kasi madali siya masabihan at hindi mahirap pakisamahan, “ saysay pa ni Toni.
Samtang si Coco sa iyang bahin nagkanayon nga dakong garbo alang kaniya nga makauban si Toni sa usa ka proyekto gumikan kay giisip niya kini nga “big star”.
“Aaminin ko, pinagpawisan talaga ako sa unang araw ng shooting. Sa ilang araw na pagsasama namin, nakilala ko si Toni na isang mabait na artista at talagang i-guide ka talaga. Alam naman seguro ninyo na hindi ako komedyante, pero tinutulungan ako ni Toni para ma-portray ang karakter ko. Ang galing talaga niya,” suma pa ni Coco.
Sa maong pelikula, dunay eksena nga gihubo niya ang iyang T-shirt apan komportable ra niini ang aktor gumikan kay gikinahanglan man kini sa dagan sa istorya aron mosamot og katawa ang mga manan-away.
“Seryoso po ako na aktor , gusto ko talaga ma-challenge na makagawa ng comedy, kaya sobrang saya ko po na nagkaroon ako ng tsansa na makasama si Miss Toni sa isang romcom. Noon pa lang, pinangarap ko na talaga na makasama ko siya sa isang project,” dugang pa ni Coco.
Sa pelikula, bossy ug mataray ang character ni Toni. Dihang gipangutana unsay kalahian kun dili man gani ka anggid sa iyang pagka siya sa iyang character tubag niya: Strong willed, opinionated but also has a soft spot pagdating sa mga taong mahal nya.
Suma pa ni Toni, ang nakanindot kay susama ra silang tulo og pangidaron ni Coco ug sa ilang direktor hinungdan nga magkasinabot ra sila dayon sa unsay angayan nga buhaton aron mas mahugyaw pa ang ilang pelikula. Gaan matud pa ang dagan sa ilang shooting.
Gidayeg usab ni Toni si Coco gumikan kay gihatag matud pa niini ang tanan alang sa ilang pelikula.
“I saw his passion. He really gave his heart, walang iniwan,” nagkanayon si Toni.
Samtang nunot sa tema sa ilang pelikula gipadayag ni Toni nga para niya, mapasalamton kaayo siya ngadto sa iyang mga boss sa ABS-CBN nga maoy naghatag og break kaniya, sama nila ni direk Laurenti Dyogi ug Malou Santos.
“He was very hard on me. Napaka perfectionist nya. First hosting award ko was for PBB kaya napakalaking utang na loob ko sa kanya,” hinumduman pa ni Toni kinsa niingon sa unang season sa Pinoy Big Brother kaniadto, wala gayud matud pa siya dayga ni Dyogi ug ang iya rang mga sayup maoy kanunay nga mabantayan niini. Nahisgutan sab niya nga sa sinugdanan sa maong reality show, siya mismo maoy nisuwat sa iyang spiels ug naghimo sa iyang idiot board sanglit gamay pa man ang mga staff niini.
Giangkon usab ni Toni nga ang nagbaid sa iyang abilidad kun variety show hosting maoy hisgutan mao ang Eat Bulaga, diin nalakip siya isip co-host sulod sa tulo ka tuig hangtud nga nibalhin na siya sa ABS-CBN.
Kabahin usab ni Santos, ang nahisgutan nga executive matud pa maoy nihatag kaniya sa iyang labing unang break sa telebisyon. Hinumduman pa niya nga paghiabot niya sa nataran sa ABS-CBN, sikat kaayo niadtong panahona ang Mr. Swabe ni Vhong Navarro ug wala gayud nagpanuko si Santos paghimo kaniya nga leading lady sa nahisgutan nga komedyante sa follow-up movie niini nga D’ Anaders.
Ang You’re My Boss nga mugna sa Star Cinema isalida na sa mga sinehan lukop nasud karong Sabado, April 4.