MANILA, Philippines – Last year ay nakatsikahan ko si Lyn Cruz at natanong ko siya tungkol sa naitsika sa akin ng isang kaibigan na nakita nito si Tirso Cruz III sa St. Luke’s Global sa The Fort, Taguig City.
Sabi that time ng kaibigan ko, mukhang may sakit si Pip at nagpapa-check-up daw sa nasabing ospital.
Pero ang sabi ni Lyn, walang sakit ang kanyang mister, pero kamakailan nga, sa birthday party mismo ni Pip ay inamin nito na nagkaroon ito ng cancer at magaling na.
Nang makatsikahan ko uli noong isang araw si Lyn, ipinaliwanag niya na that time na tinanong ko siya tungkol sa ikinuwento sa akin ng kaibigan ko na nagpapa-check-up ang kanyang mister sa St. Luke’s Global, hindi pa raw talaga nada-diagnose ang sakit ni Pip, kaya ganoon ang naging sagot niya sa tanong ko.
Mas gusto nga raw nilang mag-focus ngayon sa selebrasyon ng paggaling ni Pip kesa sa naging sakit ng kanyang mister.
Tinanong ko nga pala si Lyn kung may balak sila ni Pip na manood ng Floyd Mayweather-Manny Pacquiao boxing fight ngayong magaling na ang kanyang mister at puwede na silang makapag-travel?
“Hindi kami puwedeng umalis, kasi ‘yung bagong series ni Pip sa ABS-CBN, ‘yung show ni Juday (Judy Ann Santos), sa May na ang start. Dapat kasi nag-start na ‘yon, pero may mga inayos pa, kaya May na ang simula. So, hindi kami makakapunta sa boxing fight ni Pacquiao,” sey pa ni Lyn.
Deniece naghahandang mag-Cinderella sa painting session
Ang paghahanda ni Deniece Cornejo para sa painting session kung saan ay ipipinta siya ng sampung kilalang painters sa Pilipinas.
Hindi raw nude painting session na gagawin.
“Parang tribute siya kay Cinderella, kaya Cinderella-inspire ang susuotin ko sa pictorial na ‘yon,” sey ni Deniece.
Nabuo raw ang concept na ‘yon nang magsuot at mag-ayos siya na mala-Cinderella nang um-attend sa Star Awards for Television noong March 8.
“Naisipan lang ng mga kumuha sa akin na gawin ‘yun dahil nagustuhan nga nila ‘yung mala-Cinderella na suot at ayos ko noong Star Awards,” pahayag niya.
Martin maagang nagpunta sa Las Vegas para maipasyal ang bunso
Mula sa New York City kung saan isa siya sa mga sumakay sa first Philippine Airlines flight papunta doon noong March 1, ay nasa Las Vegas, Nevada na si Martin Nievera.
Sobrang enjoy si Martin sa pagba-bonding nila ng bunsong anak na si Santino.
Sa April 4 pa ang show ni Martin sa M Pavilion, pero inagahan na niya ang pagpunta roon para mas makapag-enjoy sila ni Santino.