Nakaalis na marahil ang mag-asawang Sen. Chiz at Heart Escudero para sa kanilang belated honeymoon. Sa rami ng trabaho nila, wala sila nito kaya ngayong Holy Week lamang sila makaaalis.
Hindi naman pansin ni Heart ang pagiging busy ng senador dahil aliw siya sa pag-aasikaso sa kambal na anak nito.
Carlo magaling talaga sa iyakan
Iyak nang iyak ang mga maid of honor ko sa isang episode ng MMK (Maalaala Mo Kaya) na napanood nila at nagtatampok kina Romnick Sarmienta, Carlo Aquino at Cherry Pie Picache. Bagay ang istorya sa panahon at ngayon ko lang nakita na talaga palang magaling si Carlo, Congrats, hijo.
Concert nina Matteo, Daniel at JC marami na ang nag-aabang
Kanino ko kaya ibibigay ang kredito ng mabilis na pagbebenta ng mga tiket para sa concert ng Dreamboys gayung sa Hulyo pa ito ipalalabas? Kapo-post pa lang nila ng poster ng concert, pero mahigit dalawang libo agad ang nag-like rito.
Ang dami palang interesado na makitang kumakanta sina Matteo Guidicelli, Daniel Matsunaga at JC de Vera. Hindi dapat biguin ng tatlo ang manonood ng concert nila. Makita kaya run sina Sarah Geronimo, LJ Reyes at Kris Aquino na paborito sa Daniel?