CEBU, Philippines – Malipayon si Tippy Dos Santos gumikan kay nakasuway na gyud siya nga mahimong bida sa international independent film. Nag-ulohan kini og Abomination nga ubos sa direksyon ni Yam Laranas.
Karelasyon
Nag-ulohan og “Karelasyon” ang umaabot nga programa ni Carla Abellana nga gidumala sa GMA News and Public Affairs . Ang maong show magsugod na karong April 11.
Paugat gihapon
Gipadayag ni Tom Rodriguez nga masinabtanon nga pagkatawo si Carla Abellana ug samot siya nga naganahan sa aktres. Taud-taud na nga gidungog nga dunay relasyon ang duha apan wala pa sila mohatag og kumpirmasyon ug ang mga tawo na lang ang bahala nga mosabot sa ilang aksyon.
Robi gipasidunggan sa Japan
Ginganlan si Robi Domingo isip Ambassador of Goodwill sa Hokkaido, Japan. Ang Vice Governor sa Hokkaido nga si Yoshihiro Yamaya maoy nihatag og rekognasyon kang Robi isip “Smile Ambassador”. Kahinumduman nga si Robi maoy nag-host sa documentary nga Lakwatsero sa Hokkaido nga gipakita kaniadto sa ABS-CBN. “I feel honored and thankful for the recognition. Part of my duties as an ambassador is to promote Hokkaido’s tourism and culture in any way possible here in the Philippines”, suma pa ni Robi.
Naanad na
Okay lang kang Coney Reyes nga kontrabida ang role niya sa bag-ong serye sa ABS-CBN nga Nathaniel. Suma pa ni Coney nga nagsagunson ang pagdala niya sa maong karakter busa naanad na siya niini.
Eula ug Christian nagbalik
Giangkon ni Eula Caballero nga nagbalik sila sa sa kauban niya niadto sa Star Factor nga si Christian Samson. Dugay na nga nagbuwag ang duha apan niining higayona, ilang gibarogan ang feelings nila sa usag-usa.
Ariel mibalik sa GMA
Human sa seryeng Bagito sa ABS-CBN, gikatakda na usab nga makita si Ariel Rivera sa umaabot nga serye sa GMA-7 nga Let The Love Begin. Wala’y eksklusibo nga kontrata si Ariel sa duha ka network busa makatrabaho ra siya bisan asa.
Mangunay sa pagbitbit
Dili gyud magbitbit og yaya sila si Ogie Alcasid ug Regine Velasquez kung isuroy nila ang ilang anak nga si Nate. Gusto sa magtiayon nga sila ang mobantay sa ilang anak panahon sa pagpanuroy.
Panglantaw ni Marian
Gipanglantawan na ni Marian Rivera nga mo-click ang iyang serye nga The Rich Man’s Daughter sa GMA-7 gumikan kay ang creative team niini mao usab ang naghupot kaniadto sa My Husband’s Lover nga gihangop og maayo sa masa. (Sanden J. Anadia)
Baek mag-concert sa nasud
Mag-concert karong April 15 sa Resorts World Manila ang “Queen of K-Pop Ballad” sa South Korea nga si Baek Z Young . Siya maoy nagpasikat sa “Don’t Forget,” “Love Is Not a Crime,” “Love and Love” ug “Spring Rain”.
Jolo balik-trabaho na
Dul-an sa usa ka buwan human aksidenteng napusilan ni Jolo, nibalik na ang aktor sa iyang trabaho isip vice governor sa Cavite. Nitambong na pud si Jolo sa mga kalihukan alang sa iyang mga konstituwente.
Aljur nag-inusara sa Batanes
Nag-inusara nga nibakasyon si Aljur Abrenica sa Batanes isip birthday gift niya sa iyang kaugalingon. Suma pa sa aktor nga lahi ra gyud nga mag-relax nga mag-inusara.
Pakpak kang Allan!
Nahimuot pag-ayo ang studio audience kang Allan Guzman gumikan sa maayo niya nga pagsunod sa linihokan ni Daniel Padilla sa programang “Your Face Sounds Familiar.” Nadiskubrehan sa publiko ang pagka-komedyante ni Allan gumikan sa maong programa.
Nagpaabot sa regalo
Tsika pa ni Kathryn Bernardo nga bisan nahuman na ang selebrasyon sa iyang 19th birthday, naghuwat gihapon siya og regalo gikan sa iyang ka-loveteam nga si Daniel Padilla. Gihimakak ni Kathryn nga matud pa nakadawat siya og friendship ring gikan kang Daniel nga nagkantidad og P500, 000.
Si Jesus si Noel
Nagtuo ang kadaghanan nga kutob lang sa pa-cute apan sa tinuod, aduna diay abilidad sa pag-arte ang 33 anyos nga si Noel Jumao-as kinsa nailhan sa kadaghanan gumikan sa iyang mga serye sa CCTN-47.
Unang nilugwa si Noel kaniadto sa seryeng For Life sa ABS-CBN niadtong 2003.
“Kalit ra ko nga nakit-an sa talent scout, pag sa una wala pa gyud koy ideya sa pag-arte hangtud nakat-on ra pud ko pagkadugayan,” matud pa ni Noel.
Nahuman ni Noel ang kursong BSed PEHM ug gipasigarbo niya nga usa siya ka scholar.
Nagtrabaho karon si Noel isip usa ka staff sa usa ka cosmetic clinic dinhi sa Dakbayan sa Sugbo ug bisan sa iyang ka-busy, nihatag gyud siya og oras sa pagsalmot sa Sugat sa Guadalupe 2015 kung diin midala siya sa papel nga Hesus.
Una kini nga higayon nga niapil siya og dula sa entablado nga relihiyoso ang tema busa dako kining hagit kaniya aron mahatagan niya og igong kinabuhi ang karakter sa manunubos sa kalibutan.
Usa sa preparasyon mao ang pagtan-aw og pelikula nga naghisgot sa kinabuhi ni Hesus ug nibasa siya og balik sa Bibliya aron matarong niya pagdala ang papel nga Hesus.
Heart nag-birth control
Giangkon ni Heart Evangelista nga wala pa sila’y plano nga makaanak sa iyang bana nga si Sen. Chiz Escudero busa migamit siya og birth control.
Suma pa sa aktres nga nagtumar siya og pills karong panahona aron dili siya momabdos.
Bisan dili pa sila andam nga makaanak, aduna na sila’y ideya nga pangalan kung maabot ang panahon nga ganahan na sila makabaton og anak.
Panganlan nila kini og Francis kung lalaki, samtang Sofia usab kung babaye ang bata.