Kinasasangkutan nina Amalia at Melissa, hindi na dapat patulan!
Tama lang na ‘wag nang patulan ang away ng pamilya Martinez at Muhlach. Ganundin ang kinaiinisan nang away nina Melissa Mendez at isang negosyante. Humingi na ng apology ang aktres at nakapagsampa na ng demanda niya laban sa kanya ang nakaaway niya, kaya hintayin n’yo na lang ang resulta ng demandahan at huwag nang mag-linger pa sa isyu.
Ganundin ang away nina Amalia at ng apo niya, dahil it really leaves a bad taste in the mouth. Biruin mo, maglola, nag-aaway! Ano ba naman sila? I’m sure lungkot na lungkot si Liezl sa kabilang buhay. Tsk. Tsk. Tsk.
Jennylyn ‘di pa sigurado kay Willie Revillame
Hangga’t hindi pa talaga nakakapirma ng kontrata si AiAi delas Alas sa GMA, marami pa ang maaring magbago. Baka siya at hindi na si Jennylyn Mercado ang maging co-host ni Willie Revillame sa bagong programa nito sa network. Aba, eh bongga kung matutuloy ito. Alam naman ng lahat ang kalibre ni AiAi sa pagpapatawa kaya makakaasa ng isang masayang programa ang lahat.
Wala pang malinaw na pag-amin mula kay AiAi tungkol sa agenda niya sa GMA kaya kesa maghula-hula tayo, hintayin na lang natin ang magiging pinal niyang desisyon o ng kanyang talent agency na Backroom.
Sinag Maynila kulang sa budget?!
Hindi naman siguro tangkang ilihim ang Sinag Maynila, isang film festival na inorganisa ng Solar Entertainment sa pamumuno ni G. Wilson Tieng at Director Brillante Mendoza. Kasisimula pa lamang nito at nangangapa pa ang mga organizer kaya parang patak ng ulan ang buhos ng publisidad nito.
Next time baka impoved na ang PR ng Sinag Maynila at nakasaad na kung saang sinehan palabas ang mga movies na kalahok para mas maging aware ang mga manonood.
- Latest
