Opisyal nang nagbabu sa One Direction si Zayn Malik, isa sa mga pinakasikat na miyembro ng grupo.
Hindi na nag-join si Zayn sa concert ng One Direction sa Manila dahil bumalik siya sa United Kingdom.
Imbyerna ang Pinoy fans dahil hindi na nila nakita nang personal si Zayn. Tinapos na lang daw sana ni Zayn ang Asian tour ng One Direction bago siya nag-alsa balutan.
Naging emosyonal ang mga member ng One Direction sa concert nila sa Hong Kong. Malamang na na-feel nila na ‘yon na ang kanilang huling concert na kumpleto sila.
May mga sapantaha na malapit nang mabuwag ang One Direction dahil sa pag-alis ni Zayn dahil ganito ang nangyari noon sa mga sikat na boy band.
Mayweather pinatumba raw ng sparring partner
Never na aaminin ng kampo ni Floyd Mayweather, Jr. ang tsismis na nakatikim siya ng knock out sa kanyang sparring partner.
Malaking kahihiyan para kay Mayweather ang nangyari kung totoo man ito dahil gaya ni Manny Pacquiao, south paw din ang sparring partner niya.
Hinding-hindi makapapayag si Mayweather na masira ang kanyang image ni Pacquiao na mahusay siya na boxer.
Araw-araw nang nage-ensayo sina Mayweather at Papa Manny dahil mabilis ang takbo ng araw. Sa isang iglap, May 2 na agad, ang araw na magbabakbakan sila sa MGM Grand Arena sa Las Vegas.
Hindi nagpapakita ng pagod si Papa Manny sa kanyang mga boxing training. Sumusuko na nga ang mga kasama niya sa pagtakbo dahil sa sobrang hingal at pagod.
Boyet kasama sa bagong pang-primetime ng GMA
Bumisita si Christopher de Leon sa GMA 7 noong isang araw dahil may project siya sa Kapuso Network.
Hindi ko pa alam ang final title ng bagong teleserye ni Boyet sa GMA 7 pero isa lang ang sigurado, pang-primetime ang programa.
Excited na si Boyet sa nalalapit na pagsisimula ng taping niya para sa teleserye na kaabang-abang ang powerhouse cast.
Pulis sa Miss Earth inaabangan kung mananalo rin
May pressure kay PNP Inspector Sofia Loren Deliu ng Baguio City ang pagsali niya sa Miss Earth Philippines dahil well-publicized ito.
Nakatuon kay Deliu ang atensyon ng mga mahihilig sa beauty contest. Hoping sila na magkakaroon ng puwesto si Deliu sa beauty pageant na nilahukan. Kailangan na mapantayan niya ang tagumpay ng kapwa pulis na si Neil Perez na nanalo ng Mister International title sa South Korea.
Big news at big deal sa mga Pinoy ang mga pulis na sumasali sa mga beauty pageant dahil epekto pa rin ito ng interes ng publiko sa mga pinatay na pulis sa Mamasapano, Maguindanao.
I’m sure, kapag pinalad na mag-win si Deliu sa Miss Earth Philippines, ihahandog niya ang kanyang tagumpay sa Philippine National Police.
Aiai nakita na naman sa bakuran ng GMA
So what naman kung nakita si AiAi Delas Alas sa GMA 7 compound?
Contract star ng GMA Artist Center ang anak ni AiAi na si Sancho Vito at co-manager ang Comedy Concert Queen.
Normal na ma-sight ang presence ni AiAi sa GMA 7 dahil nakikipag-meeting siya sa mga executive ng GMAAC para sa career ng kanyang panganay na anak.
Hands-on mother si AiAi, kahit busy siya sa sariling career. Hindi naman siya nagmamadali na sumikat si Sancho na malawak ang pag-iisip at hindi nangangarap na mapantayan ang popularidad ng kanyang ina.
Nasa dugo ni Sancho ang pag-arte dahil stage actor ang kanyang ama at sikat na aktres ang tanging ina niya.