Paulo at Jasmine pilit ginagawan ng issue

Nagkagulo ang ilang fans nina Paulo Avelino at KC Concepcion sa tsikang nakita ang aktor sa Clark International Speedway. Sinamahan daw nito si Jasmine Curtis Smith na sumali sa Vios Cup car race. Nakunan pa raw ng picture ang dalawa.

Naligalig na ang fans at gustong makita ang picture diumano nina Paulo at Jasmine. Natahimik lang ang fans nang may mag-post ng picture sa Instagram (IG) ni Paulo at isang employee ng S&R Shaw. It turned out, naggu-grocery si Paulo kasama ang anak na si Aki that time na sinabing nakita siya sa car race ni Jasmine.

Paano ‘yan at madadalas ang pagsasama nina Paulo at Jasmine ‘pag nagsimula na ang promo ng movie nilang Mara ng Regal Entertainment? Normal lang na ang dalawa ang ma-link dahil ang kasama nila sa movie na si Isabelle Daza ay may BF.

Raymart Malaya nang nakaka-bonding ang mga anak

Nahihiram na naman pala ni Raymart Santiago ang mga anak na sina Sabina at Santino. Kamakailan lang, nag-bonding ang mag-ama sa Art in Island sa Cubao, Quezon City. Sa nakita naming pictures sa IG ni Raymart, silang tatlo lang ang magkasama.

Tanong ng fans, bakit hindi nila kasama si Claudine Barretto? Puwede naman daw magkasama ang estranged couple gaya nang nangyari sa isang fun run na sinalihan nilang apat.

Ikinatutuwa ng fans nina Raymart at Claudine na magkasundo na sila uli at wish nilang hindi na mag-away para na rin sa kanilang mga anak. Kahit hindi na magkabalikan pa ang dalawa, wish lang ng fans na may peace sa pagitan nila at maging civil sila sa isa’t isa.

Samantala, sa Second Chances, gusto nang bawiin ni Bernard (Raymart) kay Rebecca (Camille Prats) si Billy (Joshen Bernardo) dahil nakitang sinasaktan nito ang bata. Tutulong si Lyra (Jennylyn Mercado) na maibalik kay Bernard ang anak.

Romeo Vasquez close sa mga apo, naki-birthday kay Alissa at nag-yoga kasama si Alyanna

Pasiyam kay Liezl Sumilang-Martinez last Sunday at nagkataong 23rd birthday din ni Alissa Martinez, bunso nina Albert Martinez at Liezl, kaya after ng mass at novena, nagkaroon ng maliit na party to celebrate Alissa’s birthday.

Dumating si Romeo Vasquez sa pasiyam kay Liezl at para rin maki-party sa apo. Sabi ng isang kaibigang nasa dalawang okasyon, noon lang uli niya nakitang ngumiti ang pamilyang iniwan ni Liezl at natuwa ang mga nasa bahay ni Albert.

Sa post ni Albert sa IG, may standee ni Liezl katabi ang picture ni Alissa at ang nakatutuwa, cupcakes ang nagsilbing half body ni Liezl. Kabilang sa dumalo sa pasiyam ni Liezl si Coney Reyes at family friends.

Close si Romeo sa mga apo, sinamahan nitong magyoga si Alyanna pati sa tinawag ni Alyanna na “healing meal” with her friends sa Van Gogh is Bipolar Restaurant. Nakipag-cheer ito sa mga kaibigan ng apo.