Pangsiyam na araw pa lamang ngayon magmula nang sumakabilang-buhay ang dating child star at MTRCB (Movie and Television Review and Classification) board member na si Anna Lissa “Liezl” Sumilang-Martiniez last March 14 ng umaga. Although nasa stage ng coping up ang naiwang mister na si Albert Martinez at kanilang tatlong grown up children na sina Alyanna, Alfonso, at Alissa, hindi ikinakaila ng aktor ang kanyang pangungulila sa yumaong asawa.
Ngayong sila-sila na lamang ng kanyang tatlong anak, hinimok ni Albert ang kanyang panganay na si Alyanna na muli itong bumalik sa bahay nila. Si Alyanna ay nakabukod na sa kanyang family.
Samantala, kung hindi na umabot si Liezl sa kanyang ika-48th birthday ngayong March 27, hindi na rin nito inabutan ang pagtatapos ng kanyang bunsong anak na si Alissa ng MBA ngayong June.
Julian at Julia sabay nagtapos ng HS
Magkasunod na nagtapos ng high school sina Julian Estrada at Julia Barretto na minsan ding na-link sa isa’t isa.
Si Julian, pangatlong anak nina Sen. Jinggoy Estrada at Precy Vitug-Ejercito ay nagtapos sa OB Monteossori in Greenhills, San Juan habang si Julia ay nagtapos ng high school sa St. Paul’s College – Pasig.
Patrick goodbye na talaga sa pagkabinata
Tuluyan nang nagpaalam sa kanyang pagkabinata last March 21, araw ng Sabado ang aktor na si Patrick Garcia nang ito’y ikasal sa kanyang live-in partner na si Nikka Martinez, ina ng kanyang two-year-old daughter na si Chelsea.
Si Patrick ay nakababatang kapatid ng dating aktres na si Cheska Garcia-Cramer. Ang dating child actor ay may panganay na anak sa singer-actres na si Jennylyn Mercado, si Alex Jazz na naging bahagi ng wedding entourage nila.
Rocco magbabalik StarStruck, pero bilang hurado naman
Si Rocco Nacino ay produkto ng reality-based talent show na StarStruck V kung saan siya nanalong 2nd prince at that time. Malapit na ring bumalik ang pinakabagong season ng artista search na pinagmulan ng maraming Kapuso stars ngayon sa pangunguna nina Jennylyn Mercado, Mark Herras, Yasmien Kurdi, Ranier Castillo, at maraming iba pa.
With Dingdong Dantes as one of the hosts, tatayong isa sa mga hurado si Rocco ng bagong edisyon ng StarSturck na matutunghayan na next month.