CEBU, Philippines — Nagbangotan ang mga kabanay nga Martinez human mipanaw kagahapon ang aktres nga si Liezl Martinez sa alas 6:15 sa buntag .
Taud-taud na nga gihambin ni Liezl ang stage 4 breast cancer . Na-diagnose anga aktres sa maong sakit niadtong 2007 hangtud nga nikatap na ang impeksyon sa baga niini.
Nagbaha usab sa social media ang mga pahasubo sa mga netizens ug sa mga artista ngadto sa pamilya ni Liezl.
Samtang ang iyang inahan nga si Amalia Fuentes nag-breakdown sa nahitabo kang Liezl kinsa magsaulog na unta sa iyang 48th birthday karong March 27.
Gihaya ang patay’ng lawas sa aktres sa Arlington Memorial Chapel sa Quezon City.
Samtang ang kapikas ni Liezl nga si Albert Martinez ug ang tulo nila ka mga anak nipadayag nga sakit kaayo nila ang nahitabo sa aktres.
Nagsugod si Liezl isip child star ug pipila sa iyang mga pelikula naglangkob sa “Portrait of an Angel,” “Liezl at ang 7 hoods,” ug “Ibulong Mo sa Puso.”
Tuig 2010 sa dihang gipadayag sa pamilyang Martinez nga cancer-free na ang aktres.
Apan niadtong 2013 , gipahibalo ni Albert nga nibalik ang sakit sa iyang asawa.