Hot tips summer

CEBU, Philippines — First time nako nga molugwa dinhi sa Banat News In,  busa grabe akong paghinam-hinam sa pagpaambit kaninyo og summer tips.

Feel na kaayo nato ang kainit sa panahon, busa kinahanglan nga magmabinantayon gyud ta og himuon ang mga butang nga dili makadaot sa atong lawas.  Puwes akong idalit kaninyo ang akong simple summer tips!

Summer Workout

Sa mga mahilig mag- workout, ang atung regular nga pag workout makahatag og dakong kaayohan sa atong lawas, apan duna lang ta’y gamay nga pahimangno karong panahon sa ting-init. You need to exercise smarter, not harder. Mas nindot magsugod ka og workout during cooler part of the day, early in the morning ba kaha or early evening. Make sure nga sa dili pa ka mag- workout, dala nimo ang tanang gamit nga imong gikinahanglan sama sa extra tshirt, towel, tubig ug uban pa.

Luwas nga pagkaon

 Daghan kaayo ang angayan natong bantayan sa pagkaon ilabi na panahon sa summer. Naay mga bacteria nga paspas kaayo mokatap panahon sa ting-init. Kung mag-picnic man gani, mas maayo nga kamo na lang gyud ang magluto aron segurado nga limpyo ang pag-andam niini. Take note nga ang food poisoning makamugna og vomiting ug diarrhea.

Kainit sa adlaw

Dili maayo nga magpalabi og bulad sa adlaw . Kinahanglan nga magdala na lang gyud og pandong aron malikayan ang heat stroke, skin cancer, dehydration, ug sun burn. Likayi ang pag- inom og softdrinks, beer, coffee, tea  aron malikayan ang dehydration. Inom og daghang tubig matag adlaw.  (Madungog si Papa Jazz sa Barangay RT 99.5 sa programang  ’Sikat sa Barangay’ , gikan sa Lunes hangtud sa Sabado, 11-12 noon) 5 infairness!

Gumikan kay dili kapugngan ug summer na gyud, tambag ni Ms. Sheena, tag-iya sa Sheena beaute’ Skin & Body Wellness, nga angayan gayud nga mag-sunscreen ug mag-exfoliate usab aron mapanalipdan ang panit sa kadaot nga mamugna sa naglagiting nga kainit sa adlaw.

“Sunscreen ones every two hours. For oily skin, mas maayo gel type. Kanang SPF30 okay na kaayo na kay bisan unsa pa kataas, 98% ra man gyud ang ma-provide nga protection ana ug 10% ra ang ma-absorb sa skin,” nagkanayon siya.

Kabahin sa exfoliation, mahimo matud pa nga gamiton ang dead sea salt nga mapalit sa mga supermarket. Imoha ra matud pa kining ipahid sa imong panit nga hinay lamang, kada semana. Mahimo usab matud pa nga sagulan nimo kini og green tea. Pwede sab matud pa nga gamiton ang unflavored yogurt.

Ang Sheena beaute’ Skin & Body Wellness pormal na nga nibukas niadtong Lunes ug anaa mahimutang sa 12A Mezzanine Floor,VCMC Mixed Bldg., 85 Osmeña Blvd.Cebu City