Liezl nanilbihan sa MTRCB hanggang sa huling hininga
Alas-7 ng umaga nang kami ay makatanggap ng text mula kay Cheng Muhlach, ang nakababatang kapatid ng veteran movie queen na si Amalia Fuentes at ama nina Arlene at Aga Muhlach na sumakabilang-buhay na ang kanyang pamangkin na si Liezl Sumilang-Martinez sa ganap na ika-6:15 ng umaga kahapon, araw ng Sabado matapos ang mahaba nitong pakikipaglaban sa sakit na kanser sa kanyang breast at lungs.
Taong 2008 nang ma-diagnose si Liezl ng kanyang breast cancer na nasa ikatlong stage na. Taong 2011 naman nang ma-detect na meron siyang Stage 4 lung cancer. Naging mahirap ito para kay Liezl at sa kanyang pamilya pero pilit na nilabanan ni Liezl ang kanyang sakit hanggang sa tuluyan na siyang bumigay.
Sa kabila ng pinagdaanan noon ni Liezl na may kinalaman sa kanyang sakit, nanatili siyang matatag for her family – sa kanyang asawang si Albert Martinez at mga anak na sina Alyanna, Alfonso at Alissa.
Inihanda man ni Albert at ng kanyang mga anak ang maagang paglisan ni Liezl, hindi pa rin siyempre maiiwasan ang kanilang pagkalungkot dahil kahit kailan ay hindi na nila muling masisilayan at makakasama ang naging ilaw ng kanilang tahanan.
Although matagal nang tumigil si Liezl sa kanyang pagiging isang artista, nanilbihan siyang member ng Movie and Television Review and Classification Board (MTRCB) up to the very end.
Si Liezl ay kaisa-isang anak ng estranged veteran couple na sina Amalia Fuentes at Romeo “Bobby” Vasquez at pinsan nina Arlene, Aga, Niño at Almira Muhlach.
Samantala, ang mga labi ni Liezl ay nakalagak ngayon sa Arlington Memorial Chapel in Quezon City.
Aga nagpapapayat na rin, naghahanda na sa pelikula nila ni Lea?!
Filipino-Balinese inspired ang bahay na ipinatayo ni Aga Muhlach sa Mataas na Kahoy, Batangas kung saan madalas naroon sila ng kanyang asawang si Charlene Gonzales-Muhlach at kambal na anak na sina Atasha at Andres na mga teenager na ngayon.
Iba ang bonding ni Aga and his family kapag sila’y nasa kanilang resort sa Batangas.
Speaking of Aga, he is bent on losing his unwanted pounds na kanyang na-gain sa kanilang month-long vacation sa Amerika.
Kelan kaya matutuloy ang balik-tambalan nila sa movie ni Lea Salonga, Manay Ethel?
- Latest
