SEEN: Sintunado ang boses ni Kylie Padilla at hindi niya sineseryoso ang pagkanta kahapon sa Paborito segment ng Sunday All Stars ng GMA 7.
SCENE: Ang balita na hiwalay na si Gwen Zamora sa kanyang boyfriend na anak ni Tacloban City Mayor Alfred Romualdez. Magkasama si Gwen at ang kanyang boyfriend nang magmisa si Pope Francis sa Tacloban City noong January 17.
SEEN: Inihatid na kahapon si Jam Sebastian sa huling hantungan niya at mapapahinga na sa pagpapainterbyu ang kanyang ina at girlfriend.
SCENE: Ang balita na hindi invited si 2013 Miss International Bea Rose Santiago sa coronation night ng Bb. Pilipinas 2015 sa March 14 dahil nagbago na ang kanyang ugali.
SEEN: Ang award-winning movie/TV director na si Maryo J. Delos Reyes ang pinagkalooban ng Lifetime Achievement Award sa Star Awards for Movies ng Philippine Movie Press Club na ginanap kagabi sa grand ballroom ng Solaire Resort and Casino.
SCENE: Nasaktan si Regine Velasquez sa blind item na namimili siya ng mga nakakatrabaho. Sinabihan ni Ogie Alcasid ang kanyang asawa na huwag magpaapekto sa mga tsismis na imbento dahil answerable lamang sila sa Diyos.
SEEN: Done deal na ang pagbabalik ni Willie Revillame sa telebisyon kaya nag-umpisa na ang meeting at brainstorming nila ng kanyang production staff.
SCENE: Si Anna Feliciano ang choreographer ng Rising Stars Philippines ng TV5. “Queen of Choreography” ang pakilala ng TV5 kay Feliciano.