Naghahanap si Mother Lily Monteverde ng mga baguhang artista na ibi-build up niya bilang new generation ng Regal Babies. Sa mga type na mag-apply, simple lang ang procedure, i-post ninyo sa Facebook account ni Mother ang inyong mga resume at litrato pero siguraduhin ninyo na authentic at hindi fake ang social media account ng big boss ng Regal Entertainment Inc. Higit sa lahat, humarap muna sa salamin at pagmasdan na mabuti ang inyong mga sarili kung may karapatan kayo na mag-artista dahil kung wala, mag-focus na lang kayo sa pag-aaral para magkaroon kayo ng bright future.
Anak ng dating aktor na si Eric Fructuoso pumila sa Starstruck
Sumali pala sa auditions ng Starstruck ang anak ni Eric Fructuoso. Parang kailan lang, member si Eric ng Guwapings, ang grupo nila nina Jomari Yllana at Mark Anthony Fernandez. Ngayon may mga anak na sila na nangangarap na sundan ang kanilang mga yapak sa showbiz. Kumpleto na ang mga aspiring star ng Starstruck na pormal na ipakikilala ng GMA 7 sa susunod na buwan. Habang hindi pa nag-uumpisa ang artista search ng Kapuso Network, busy ang Starstruck contestants sa mga acting and dance workshop.
Pari Koy ni Dingdong saktong pang-Holy week
Guest kahapon si Dingdong Dantes sa Sunday All Stars dahil nag-promote siya ng Pari Koy, ang bagong primetime teleserye ng GMA-7. Kasama ni Dingdong na nag-promote ang mga kasamahan niya sa Pari Koy na mapapanood simula ngayong gabi pagkatapos ng 24 Oras. Perfect ang pagsisimula ng Pari Koy dahil sa nalalapit na Holy Week. May mga mahahalagang aral na matutunan ang mga makasalanan kapag pinanood nila ang Pari Koy at siguradong magtitika sila, whether they like it or not.
Butas sa dibdib ni Jolo sarado na
Sarado na ang butas sa dibdib ni Cavite Vice Governor Jolo Revilla na nilusutan ng bala ng kanyang baril na pumutok. Maginhawa at komportable na ang pakiramdam ni Jolo dahil nababawasan na ang sari-saring aparato na nakakabit sa katawan niya. Sa March 15 ang birthday ni Jolo at siguro naman, hindi siya aabutin ng kanyang birthday sa ospital dahil bumubuti na ang kundisyon niya.
PacMay maghaharap sa Nokia Theater, lahat ng Pinoy sa Amerika inaasahan ang pagdagsa
Nakatakdang magkita sa Nokia Theater sa March 11 sina Congressman Manny Pacquiao at Floyd Mayweather Jr. Ang Nokia Theater sa Los Angeles ang pagdarausan ng kauna-unahang presscon ng May 2 fight nina Papa Manny at Miss Mayweather, Jr. Expected na dudumugin ng boxing fans ang presscon nina Papa Manny at Mayweather at asahan natin ang pagtatarayan ng kanilang fans. Malaking lugar ang Nokia Theater. Hindi puwedeng idaos sa maliit na venue ang presscon nina Papa Manny at Mayweather dahil sa dami ng mga tao na sasaksi sa kanilang paghaharap sa pangatlong pagkakataon. Unang nagkita nang personal sina Papa Manny at Mayweather sa Miami nang manood sila ng NBA Games noong January 2015. Ang pagbisita ni Mayweather sa hotel na tinutuluyan ni Papa Manny sa Miami ang pangalawang beses na pagkikita nila at ang presscon sa Nokia Theater ang third time na magtatagpo ang mga itinuturing na boxing legends. Invited ang lahat ng mga Pilipino sa Amerika na pumunta sa Nokia Theater sa March 11 bilang suporta kay Papa Manny dahil ‘yon ang magandang pagkakataon na ipamalas kay Mayweather Jr. ang puwersa ng mga Pinoy.