May bulung-bulungan na may problema diumano sina Matteo Guidicelli at Sarah Geronimo sa kanilang relasyon.
Kamakailan ay naging emosyonal si Sarah sa programang The Voice of the Philippines kaya may mga nagsasabing may pinagdaraanan ngayon ang magkasintahan. “Sana hindi naman,” natatawang bungad ni Matteo. “Sobrang stressed kasi siya sa The Voice. Sobrang pinupuso niya ‘yung The Voice. Importante ‘yung show para sa kanya. The Voice is really demanding. So siyempre all of us, we all have our own personal ups and downs. We just pray for the best kumbaga,” paliwanag ng aktor.
Katulad ng ibang magkasintahan ay nagkakaroon naman daw talaga ng problema minsan sina Matteo at Sarah pero nananatili silang matatag para sa isa’t isa. “Meron naman, siyempre I would like to keep that amongst us na lang. Our problems, we want to keep them private. But siyempre The Voice is really something heavy for her. She loves the show, she loves their contestants. I always tell her she has all the credibility. She’s a super believable coach, she’s an amazing person and talented. She knows it eh, alam niya magaling siya. I always tell her to believe in herself. She knows. Siyempre it’s emotional to pick out stuff. I watch them, I just wish all them good luck,” pagbabahagi ni Matteo.
Sumasagi na rin daw sa isip ng binata at ng Popstar Princess ang iba’t ibang ideya para sa kanilang pag-iisang dibdib. “Siyempre may mga time na pinag-uusapan namin pero siyempre it’s still fresh in the relationship. Nothing concrete or anything. It’s just ideas, parang gano’n lang,” pagtatapat ng aktor.
Julia ayaw maging escort sa debut si Iñigo, ayaw rin paligaw sa anak ni Piolo
Isang malaking selebrasyon ang pinaghahandaan ngayon para sa 18th birthday celebration ni Julia Barretto sa susunod na buwan.
Sobrang excited na raw ng aktres para rito.”Everything is taking shape already. We are preparing everything that we need for the event itself so everything is okay na. We are just going to set it up,” nakangiting pahayag ni Julia.
Personal na desisyon daw ng dalaga na huwag magkaroon ng escort sa kanyang debut. “I still don’t have an escort and I am really planning not to have one. Iñigo Pascual kasi is definitely part of my 18 roses and he’s actually going to perform, and I’m so excited for that, still no escort,” giit ni Julia.
Pinabulaanan din ng aktres ang balitang nililigawan siya ng anak ni Piolo Pascual.
Mas nais daw ni Julia na maging kaibigan na lamang niya ang mga nakakatambal sa mga proyekto katulad ni Iñigo. “Wala rin naman siyang plano eh. I think with your working relationship with your love team, for me ha, it’s best when you’re friends para matagal ‘yung pagsasamahan n’yo. Maganda ‘yung working relationship n’yo at hindi kayo conscious with each other. So you are able to become a team by making plans of what you want to happen for your love team. So ‘di ba, no holding back,” paliwanag ni Julia. Reports from JAMES C. CANTOS