Ang tambalan nina 2009 Cannes best director na si Brilliante Mendoza at Wilson Tieng ng Solar Pictures ay magbubukas ng daan para sa panibagong film festival na ang layunin ay i-highlight ang pagiging malikhain ng Filipino indie filmmakers at ang mayamang kultura na ipamamalas sa taunang pagdiriwang.
Ngayong Marso 18-25, 2015 sa Sinag Maynila ay ipagdiriwang ang world class indie film festival sa selected cinemas sa Kamaynilaan.
Ang unang six entries ay ginawa ng award-winning Filipino indie movie makers. Kabilang dito ang Death by Gokkun ni Joselito Altarejos, Bambanti ni Zig Dulay, Imbisibol ni Lawrence Fajardo, Ninja Party ni Jim Libiran, Balut Country ni Paul Sta. Ana at Swap ni Remton Zuasola.
Tampok sa Balut Country si Rocco Nacino na istorya ng tagapagmana ng itikan na nahaharap sa isang crisis. Nag-prodyus na ng quality films ang director na si Paul gaya ng Huling Pasada, Marino at Oros. Sa Swap naman ni Direk Remton Zuasola, tampok si Matt Daclan na istorya ng isang batang ama na pinipilit na malutas ang isang krimen pero kalaunan ay naging kriminal nang ma-kidnap ang sariling anak. Ginawa nito ang Damgo ni Eleuteria, Biyernes, Biyernes at Soap Opera.
Tampok naman sa entry na Imbisibol si Lawrence Fajardo. Ilan sa ginawa niya ang Raket ni Nanay, Posas at The Strangers.
Si Jim Libiran ay ‘di lang director kundi aktor, writer at producer na responsible sa Cinemalaya’s Best Film ng 2007 gaya ng Tribu, Happy Land at short film na Batch 2011.
Ngayong taon ay idinirihe niya ang Ninja Party. Istorya ito ng mga kabataang babae ng isang esklusibong Catholic school na nakatuklas ng sikretong sexual rites.
Si Zig Dulay naman ay kilala sa mga pelikulang Huling Halik, Missing, at M: Mother’s Maiden Name. Ang kanyang entry sa Sinag Maynila na Babanti ay istorya kung hanggang saan kayang protektahan ng isang ina ang anak mula sa kapangyarihan ng mga tao na ginagamit ang yaman at posisyon para itago ang maling gawain.
Direktor naman ng Death by Gokkun (Japanese term, meaning swallow) tampok si Oliver Aquino tungkol sa mga taong nabubuhay sa dalawang katauhan gaya ng tricycle driver na nagtatrabaho sa araw pero sex worker naman sa gabi. Isa ring karakter si Marie na ganun din ang gawain sa sex trade na isang masalimuot na istorya ng buhay.