Ang trending karon

CEBU, Philippines - Magsugod karong Lunes, February 16, 2015 ang bag-ong programa sa dyLA 900 kHZ nga maghisgot sa mga  kasamtangan nahitabo sa palibot.

Nag-ulohan kini og “Ang Trending Karon” nga pagadumalahon sa mga batan-ong mangsisibya nga sila si Lee Antojado ug Sanden Anadia.

Ang station manager sa dyLA nga si Jun Tagalog nibutyag nga gihulma ang maong tulumanon aron masayod ang mga tawo kung unsa’y  kasikas karong panahona sa atung nasud, sama sa sitwasyon sa panghitabo sa gobyerno , showbiz, sports ug mabati usab sa maong tulumanon ang weather report.

Suma pa ni Tagalog, nga inigkahuman og presentar sa usa ka  istorya,  adunay mga kukabildo nga mahitabo sa mga nagdala sa maong tulumanon kung diin ihatag ang ilang mga panahom sa istorya nga ilang gituki. Ang Trending Karon madungog matag adlaw nga Lunes- hangtud sa Biyernes , 7-8pm.