MANILA, Philippines – Kanselado ang “I Heart Papa” concert ni Ai Ai delas Alas na gagawin sana ngayon sa Solaire Resort and Casino sa Parañaque City.
Sinabi ni Ai Ai sa kanyang Instagram post na dahil ito sa hindi pagbabayad ng producer sa mga talent at venue.
"Ang producer po ng show na si Jacob Fernandez at ang kanyang kumpanyang Showbiz Mansion ay hindi tinupad ang lahat ng kasunduan at obligasyon na bayaran po ang lahat ng kasama sa show," pahayag ng komedyante.
"Pati po ang venue na Solaire ay hindi po nabayaran," dagdag niya.
Ayon sa mga ulat, ito rin ang dahilan kaya umatras ang original guest ni Ai Ai na si Richard Yap na pinalitan naman nina Vin Abrenica at JC de Vera.
Humingi ng paumanhin si Ai Ai sa kanyang mga fans lalo na sa mga nakabili ng ticket.
"Muli ang aking taos-pusong pagpapaumanhin sa lahat. Hintayin na lamang po ang mga announcements sa darating na araw. God bless."