LJ inspirasyon ni JC
CEBU, Philippines - Giangkon ni JC de Vera nga malipay gyud siya basta makauban niya ang Kapuso star nga si LJ Reyes.
Matud pa niya nga nag-date na sila ni LJ sukad pa sa miaging tuig pero hinay pa ang dagan sa iyang pagdiskarte gumikan sa ka-busy nilang duha.
Kahinumduman nga taud-taud na nga gidungog nga duna’y espesyal nga tinagdan si JC ngadto kang LJ human duna’y nakakita kanila nga nag-uban sa pagpanuroy.
Dugang pa ni JC nga aprobado siya sa pamilya ni LJ butang nga gikalipay niya og maayo.
Cary Santiago nadismaya
Nadungagan ang mga Pinoy nga nadismaya sa sistema sa Bb. Pilipinas diin ang Colombian designer nga si Alfredo Barraza ang mu-design sa gowns sa mga pambato sa nasud sa international pageants.
Ang labing bag-o mao ang world-class Cebuano designer nga si Cary Santiago, kinsa nipadayag nga mapasigarbuhon siya nga nagtan-aw kang MJ Lastimosa isip pambato sa nasud sa Miss Universe 2014 didto karon sa Doral Florida.
Apan matud ni Cary angayan unta nga ang kandidata nga nagsul-ob og Filipino sash, magsul-ob sab og Filipino design.
Suma pa ni Cary sayud siya nga dili pang-pageant ang iyang mga mugna nga gowns sanglit dili niya kini forte, apan daghan matud pa kaayo dinhi sa nasud ang hugyaw ang mga mugna.
Tambag niya sa chairperson sa BPCI Stella Marquez Araneta nga mugawas sab panagsa aron makakita siya sa mga nindot nga mugna sa Filipino designers.
Call Me Papa Jack
Magsugod na karong gabii ang programa sa TV5 nga Call Me Papa Jack. Gikuha sa TV5 ang sikat nga radio personality sa TV5 nga si Papa Jack gumikan kay daghan kini og followers gumikan sa programa niini sa Love Radio.
Jasmine todo trabaho
Duha ka mga programa sa TV5 ang dungan nga naabot alang kang Jasmine Curtis-Smith busa dili tinuod ang tsika nga mobalhin kini sa ABS-CBN. Malakip si Jasmine sa dance show competition nga Move It: Clash of Street Dancers nga magsugod na ugma, January 25. Magsugod na usab sunod buwan ang lain niya nga show nga Wattpad Presents A House Full Of Hunks kung diin makauban niya sila si Vin Abrenica, Albie Casino, Charlie Sutcliffe ug ang Bench Body model nga si John Spainhour.
Career prayoridad ni Lloydie
Gipadayag ni John Lloyd Cruz nga prayoridad niya ang iyang career busa dili pa siya ganahan maghisgot sa posibleng pagpakasal nila ni Angelica Panganiban. Naghinam-hinam na ang aktor sa mga umaabot niya nga projects sa ABS-CBN human siya nipirma og bag-ong kontrata nga mulungtad og tulo ka tuig.
Paaboton si Kuya Germs
Saulogon unta sunod buwan ang anibersaryo sa Walang Tulugan apan iuswag ang selebrasyon niini gumikan kay gipapahuway pa sa mga doktor ang main host niini nga si German Moreno. Gimingaw na kang Kuya Germs ang mga kaubanan niya sa maong show.
The Half Sisters extended
Gidungog nga extended pa hangtud sa Abril ang seryeng The Half Sisters sa GMA-7 gumikan sa mga positibong feedback nga nadawat niini. Nasayran nga gipun-an og mga bag-ong karakter ang maong serye.
Wala’y undang sa pagtabang
Aktibo gihapon si Ai Ai de la Alas sa mga community outreach program isip pagpaambit sa mga tawo sa tanang grasya nga iyang nadawat. Kontento na si Ai Ai niini ug hingpit na gyud nga nawala sa iyang huna-huna ang plano niya niadto nga mosulod sa politika.
Reaksyon ni Robin gipaabot
Giatngan karon ang reaksyon ni Robin Padilla human naabot kaniya ang tsismis nga nagbalik na matud pa ang iyang anak nga si Kylie Padilla ug ang aktor nga si Aljur Abrenica. Kanunay nga nasigpatan ang duha nga nag-uban sa pagpanuroy sa miaging mga adlaw.
Dongyan nakabalik na
Mibalik na sila si Dingdong Dantes ug Marian Rivera sa tagsa-tagsa nila ka mga trabaho. Gikan ang magtiayon sa Europe alang sa duha ka semana nila nga pagbakasyon.
Dili lalim
Giangkon ni Rochelle Pangilinan nga dili lalim ang kontrabida niya nga role sa seryeng Ang Lihim Ni Annasandra. Suma pa ni Rochelle nga kanunay siya maglagot sa matag eksena sa maong serye ug panagsa ra siya malantawan nga mopahiyom busa dili malikayan nga ma-stress siya inigkahuman sa shooting. Hinuon nalipay ra pud si Rochelle gumikan sa mga pagdayeg nga iyang nadawat gikan sa viewers.
Vina loyal sa Dos
Giangkon ni Vina Morales nga nagbaha ang mga proyekto nga gitanyag sa ubang mga network ngadto kaniya apan puros niya kini gipangbalibaran gumikan kay loyal siya sa ABS-CBN. Suma pa ni Vina nga nakontento na siya sa dagan sa iyang career sa Kapamilya Network.
- Latest
