MANILA, Philippines – Isang star-studded na Ati-Atihan Festival celebration ang masasaksihan sa Kalibo, Aklan ngayong linggo dahil makikisaya ang ilang Kapuso prime stars sa tinaguriang Mother of All Philippine Festivals.
Sa ika-limang pagkakataon, makakatuwang ng Municipality of Kalibo at ng Kalibo Sto. Niño Ati-Atihan Foundation, Inc. ang GMA Network sa paghahandog ng all-party at all-positive vibe event para sa mga Aklanon.
Opisyal na nagsimula ang Kapuso festivities noong Enero 9 sa ABL Auditorium kung saan ginanap ang 2015 Mutya it Kalibo Ati-Atihan beauty pageant. Saksi sa impressive performances ng mga kalahok sina Kris Bernal na nagsilbing judge, Chynna Ortaleza na nag-host ng patimpalak, at Mike Tan na nangharana naman sa mga contestant.
Samantala, walang iba kundi ang Asia’s Songbird na si Regine Velasquez-Alcasid ang bibida at magpapamalas ng kanyang trademark vocals sa Kapuso Night na gaganapin sa Kalibo Pastrana Park ngayong Enero 13, 7 p.m. Makakasama niya sa isang unforgettable live performance sina Miguel Tanfelix, Bianca Umali, at Betong Sumaya mula sa primetime series na Once Upon A Kiss.
Sa Enero 14, ang Aklanon fans ng Kapuso heartthrobs na sina Alden Richards, Steven Silva, at Rocco Nacino ay magkakaroon ng pagkakataong makita ang kanilang mga idolo sa Ati-Atihan parade simula 2PM.
Mapapanood ang highlights ng Ati-Atihan Festival sa Let’s Fiesta TV Special na ipapalabas sa Enero 18 sa pamamagitan ng GMA regional stations sa Bicol, Cebu, Davao, Iloilo, Dagupan, Ilocos, GenSan, Bacolod, at CDO.