CEBU, Philippines – Gidungog nga matarong lang ang performance ni Xian Lim sa pag-arte kung si Kim Chiu ang iyang ka-eksena. Kahinumduman nga taud-taud na nga gidungog nga hilaw gyud moarte ang aktor.
Arron mag-singer
Target ni Arron Villaflor nga sudlan ang music industry gumikan kay duna siya’y tinagoang talent sa pagkanta. Nasayran nga magpasakop na si Arron sa Cornerstone Entertainment Inc. nga maoy naghupot sa career nila ni Sam Milby, Yeng Constantino, ug Richard Poon .
Naluoy
Wala gidayon sa magtiayong Eddie Gutierrez ug Annabelle Rama ang pagpasaka og kaso sa batan-ong lalaki nga nisuway og sulod sa ilang balay sa Quezon City. Giingong nangangkon ang maong lalaki nga ginganlan og John Miles Cunato nga matud pa anak siya ni Eddie.
Shooting sa Japan
Nitikang sa Mt. Fuji Japan sa miaging adlaw ang mga bitoon sa sitcom sa ABS-CBN nga Home Sweetie Home nga gipangulohan nila ni John Lloyd Cruz ug Toni Gonzaga. Gihimo sa maong dapit ang pipila ka mga eksena alang sa umaabot nila nga mga episode sa maong show.
Show ni Willie plantsado na?
Gidungog nga ibutang sa Domingo nga timeslot ang umaabot nga show ni Willie Revillame sa GMA-7. Una na nga nabalita nga sila si Joey de Leaon ug Mike Enriquez maoy nitabang aron makabalik si Willie sa showbiz.
Eric nahuwasan
Giingon nasulbad na ang problema ni Eric Tai sa Bureau of Immigration busa nakabalik na siya isip co-host sa noontime show nga It’s Showtime.
Frencheska wala mabalaka
Gitataw ni Frencheska Farr nga wala siya mabalaka sa pag-expire sa iyang unom ka tuig nga kontrata sa GMA-7 karong September gumikan kay masaligon siya sa iyang mother network nga dili pasagdan ang iyang singing career.