Bagito nakipagtulungan sa CEFAM para gabayan ang kabataan

MANILA, Philippines – Magaganap ang malaking pagbabago sa buhay ng mga karakter ng Kapamilya teen stars na sina Nash Aguas, Alexa Ilacad, at Ella Cruz sa pagbubukas ng bagong kabanata ng top-rating primetime drama series ng ABS-CBN na Bagito.

Ayon sa mga teen stars marami silang pasabog na dapat tutukan. Mas marami ring mapupulot na aral tungkol sa pag-ibig, pagkakaibigan, lalo na sa pagsunod sa utos ng mga magulang.

Samantala, upang mas makapagbigay ng gabay sa televiewers, makikipagtulungan ang Bagito sa ins­titusyon na Center for Family Ministries (CEFAM) para sa pagbubukas ng Bagito Hangout online forum kung saan maaaring magtanong at humingi ng payo ang netizens sa counselors ng CEFAM. Ito ay magsisimula sa Enero 19 (Lunes), mula 6:30 p.m. hanggang 7:30 p.m. sa http://bagito.abs-cbn.com/hangout.

Bahagi pa rin ng Bagito ang mga batikang artistang sina Agot Isidro, Ariel Rivera, at Angel Aquino. Kasama rin sina Paolo Santiago, Alex Diaz, at ang boy group na Gimme 5 na kinabibilangan nina Joaquin Reyes, John Bermundo, Grae Fernandez, at Brace Arquia. Ito ay sa ilalim ng direksyon nina Onat Diaz at Jojo Saguin.