SEEN: At his best si Vice Ganda bilang TV host sa exclusive interview niya kay P-Noy sa Gandang Gabi Vice noong Linggo. Hindi nakaka-offend ang mga pang-ookray ni Vice kay P-Noy at nagtagumpay sila na patawanin pati ang detractors ng Pangulo ng Republika ng Pilipinas.
SCENE: Tinutukan ng buong bansa ang interbyu ni Vice Ganda kay P-Noy sa Gandang Gabi Vice at ito ang most viewed television show noong Sunday night.
SEEN: Hindi nawawalan ng pag-asa ang pamilya at mga kaibigan nina Senator Bong Revilla at Senator Jinggoy Estrada na ipagkakaloob ngayong 2015 ng Sandiganbayan ang ipinagdarasal nila na pansamantalang kalayaan ng dalawang senador habang dinidinig ang mga plunder case na kinasasangkutan.
SCENE: Nagdeklara ng holiday sa Maynila sa January 9 si Manila City Mayor Joseph Estrada dahil sa pagdiriwang ng Kapistahan ng Poong Nazareno.
SEEN: Ginagawa nina Heart Evangelista at Senator Chiz Escudero ang lahat ng pagtitipid para sa pag-iisang dibdib nila sa February 15, 2015.
SCENE: Apektado ng coverage sa pagdating ni Pope Francis sa Pilipinas ang mga taping ng mga programa ng TV5. Tututukan ng TV5 ang lahat ng mga kaganapan sa Papal Visit mula January 15 hanggang January 19.
SEEN: Courtesy of Dra. Vicki Belo ang honeymoon sa Europe nina Marian Rivera at Dingdong Dantes. Ninang sa kasal ng mag-asawa si Dra. Belo.
SCENE: Ang meeting kahapon ni Congressman Manny Pacquiao at ng mga opisyal ng Habitat for Humanity para sa housing project nila sa mga mahihirap na Pilipino.