Kahit magkasamang sinalubong nina Andi Eigenmann at Bret Jackson ang bagong taon ay hindi naman daw nangangahulugang magkarelasyon na ang dalawa. Para kay Andi ay ayaw daw niya munang madaliin ang pagpasok sa isang bagong relasyon lalo pa’t kahihiwalay pa lamang nila ni Jake Ejercito. “Nothing has happened yet. It’s only the beginning. I just came out of a long and very complicated relationship. I would want to take things slow,” bungad ni Andi.
Ayon pa sa aktres ay talagang magkasundung-magkasundo sila ni Bret sa maraming bagay kaya madalas silang nakikitang magkasama ngayon. “I think everybody knows na I’m starting anew. ‘Yung 2015, para sa akin hindi lang bagong taon. Siyempre bagong chapter din ng life ko because I lost two people who are really important to me. Now, I just want to make sure na magiging masaya na ako,” paliwanag ni Andi.
Samantala, hindi naman boto ang inang si Jaclyn Jose kay Bret para sa anak. “Baka sumikat pa ‘yan. I don’t know him at all. I don’t judge his personality. It’s up to Andi, it’s her life. But for me, I don’t like him, sorry,” makahulugang pahayag ni Jaclyn.
“As of now it doesn’t matter because puwede naman niya sabihin what she wants and at the same time, hindi pa rin naman kasi niya nakikilala si Bret. Open pa to judgment. She never really got the chance. I know how close my mom is to my ex so maybe that’s why. She loves Jake,” sagot naman ni Andi sa naging pahayag ng ina.
Liza babaero ang unang tingin kay Enrique
Hanggang ngayon ay hindi pa rin daw makapaniwala si Liza Soberano sa tagumpay na tinatamasa ng kanilang teleserye ni Enrique Gil na Forevermore. Ilang buwan nang napapanood sa Primetime Bida block ng Kapamilya network ang nasabing proyekto at patuloy itong tinatangkilik ng mga manonood. Sobrang magkalapit na raw ngayon sina Liza at Enrique at ‘Special Leading Man’ na ang tawag ngayon ng dalaga sa aktor. “Siya ang first and actual leading man ko, and then great friend because he’s the type of person that I can tell anything to. In between takes, whenever I have a problem, I talk to him and he helps me through anything,” nakangiting pahayag ni Liza.
Samantala, inakala raw noon ng aktres na playboy si Enrique kaya natakot siya sa binata. Ngayon ay mas nakilala na ni Liza kung ano’ng klaseng tao ang aktor. “Kasi he seems like one of the types of guys that play with girls. He’s a very family-oriented person. He does everything for his mommy, sister and brother. And also he loves his daddy very much even though he’s no longer here,” paliwanag ni Liza. Best friend na raw ang turing ni Enrique sa dalaga ngayon.
Reports from JAMES C. CANTOS