Carmina iba ang hitsura ‘pag walang make up

SEEN: Si Carmina Villaroel at ang kanyang anak na si Maverick sa isang Japanese restaurant sa Edsa Shangri-La Mall noong Biyernes. Nagulat ang mga nakakita kay Carmina dahil may edad ang kanyang itsura kapag walang make up.

SCENE: Nagpang-abot sa Boracay island ang honeymooners na sina Dingdong Dantes at Marian Rivera  at ang kanilang kaibigan na si AiAi Delas Alas. Kasama ni AiAi ang kanyang boyfriend at mga anak.

SEEN: Ang New Year prayers ng fans ni Aljur Abrenica na makabalik na ito sa GMA 7 at i-resume ang kanyang rudely interrupted career na siya rin ang may kasalanan.

SCENE: Ipinagdarasal ng fans ang mabilis na paggaling ni German Moreno na nagkaroon ng mild stroke noong January 2. Naka-confine ang veteran TV host sa St. Luke’s Medical Center, Quezon City. Ang kasal nina Dingdong Dantes at Marian Rivera ang huling public appearance ni German dahil isa siya sa mga wedding sponsor.

SEEN: Si P-Noy ang special guest ngayong gabi ni Vice Ganda sa Gandang Gabi Vice ng ABS-CBN. Inaabangan ang unang paglabas ni P-Noy sa talk show ni Vice.

SCENE: Ang Top 10 List ng highest-grossing films sa Pilipinas mula noong 2011 hanggang 2014. Kumita ng mahigit sa P150 million ang mga pelikula at hindi pa kasali sa listahan ang mga official entry sa Metro Manila Film Festival 2014.