PIK: Magkakasunod ang mga bagong pang-GMA Telebabad ng GMA 7 sa pagpasok ng 2015.
Sa January 5 na magsisimula ang bagong drama series nina Miguel Tanfelix at Bianca Umali na Once Upon a Kiss na mapapanood pagkatapos ng More Than Words.
Sa January 12 naman ay magsisimula na rin ang Second Chances nina Jennylyn Mercado at Raymart Santiago na mapapanood naman pagkatapos ng Once Upon a Kiss na papalit sa magtatapos na Hiram na Alaala.
PAK: Ang ating Pambansang Kamao na si Manny Pacquiao ang isa sa magdya-judge sa Ms. Universe 2015 na gaganapin sa Miami, Florida sa January 25.
Hindi pa naman daw nakumpirma ni Bob Arum kung makakadalo si Pacman pero ang taga-Ms. Universe na mismo ang nag-announce na isa sa uupong judges si Manny Pacquiao.
Kung matutuloy ito, si Pacman ang pampitong Pinoy na umupong judge sa Ms. Universe.
Narinig din naming may imbitasyon din daw si Manny Pacquiao mula kay Prince Harry.
Mahilig sa sports si Prince Harry lalo na sa boxing, kaya paborito raw nito ang ating Pambansang Kamao.
BOOM: Nagsimula nang mamudmod ng imbitasyon sina Aiza Seguerra at Liza Diño para sa kanilang kasal sa Pilipinas na gaganapin sa January 8 sa Tagaytay.
Wala namang same sex marriage dito, pero pinayagan naman silang magkaroon ng seremonya na dadaluhan ng kanilang pamilya at malalapit na kaibigan.
Personal na ginawa nina Aiza at Liza ang kanilang imbitasyon na nakalagay sa bote.
At si Liza mismo ang magluluto ng adobo na gagawin niyang give-away sa kanilang kasal.
Lahat na detalye at mga pangangailangan na gagamitin sa kanilang kasal ay sila mismo ang nag-prepare.