Fashion forecast ng GRR TNT para sa 2015, sasabihin na
MANILA, Philippines – Ilang araw na lang at ipagdiriwang na natin ang Bagong Taon na kung tawagin sa Chinese calendar ay Year of the Goat o Kambing.
Abangan sa Sabado sa programa ng GMA News TV na Gandang Ricky Reyes Todo Na Toh (GRR TNT) prodyus ng ScriptoVision alas-nuwebe hanggang alas-diyes ng umaga ang pagbibigay ng prediksyon tungkol sa mga mauusong damit, ayos ng buhok at make up sa papasok na taon.
May bisita rin si Mader Ricky na mga psychic at Feng Shui expert na magbibigay ng kani-kanilang hula kung masuwerte o malas ba sa ’yo ang Kambing. Kung ‘di kagandahan ang hula’y may mga panlaban o pananggang ipapayo ang mga may ‘third eye’ na panauhin.
At kaugalian nang may masagana at masasarap na pagkaing inihahain sa mesa na pinagsasaluhan sa Media Noche (Disyembre 31) ‘di lang dito sa ating bansa kundi sa buong mundo. Alamin kung ano ang masweteng handa para sa ating mga kapatid sa ibang bansa. Mas maraming handa mas masagana at masaya ang New Year!
Wig na Kaibig-ibig ang ireregalo ni Mader Ricky sa isang sumulat na tagahanga. Bagong Taon, bagong tao ang pakiramdaman ng GRR TNT letter-sender.
- Latest
