Alam mo, Salve A., nagtataka ako kung bakit hanggang ngayon ay hindi pa rin nakukuha ni Sam Pinto ang stardom na dapat ay matagal nang nasa kanya.
Sampung taong gulang pa lamang si Sam ay in-demand commercial model na siya na hanggang ngayon ay patuloy pa rin niyang ginagawa.
Leading lady siya ngayon ni E.R. Ejercito sa Metro Manila Film Festival o MMFF action movie na Magnum Muslim .357
Star potential si Sam pero tila mailap pa rin ang stardom sa kanya.
Bakit kaya? Sana nga ay mapansin siya sa pelikulang ito na parang kapus naman sa promo.
Kuya Germs hindi nawawalan ng pag-asa sa Thats
Kahit eighteen years nang nagpaalam sa ere ang youth-oriented program na That’s Entertainment na konsepto and hosted by veteran TV host-comedian na si German `Kuya Germs’ Moreno sa GMA 7, patuloy pa ring sini-celebrate ni Kuya Germs sa kanyang long-running late night show na Walang Tulugan with the Master Showman on GMA ang anniversary ng programa na sobrang napamahal sa kanya.
Ang That’s Entertainment ang kauna-unahang youth-oriented show na napapanood noon tuwing hapon mula Lunes hanggang Sabado ay siyang nagbukas ng pintuan sa napakaraming aspiring raw and young talents na hanggang ngayon ay patuloy pa ring namamayagpag sa kanilang respective careers.
Ang That’s Entertainment ay naghasa sa maraming mga kabataan noon sa acting, dancing, singing, at pati-paghu-host. Nagkataon na hindi pa uso noon ang mga talent reality show kaya namamayagpag noon ang programa ni Kuya Germs.
Alam mo ba, Salve A. na up to this day ay umaasa pa rin ang Master Showman na si Kuya Germs na maibabalik pa rin sa ere ang That’s Entertainment?