CEBU, Philippines - Nanganak na si Ara Mina niadtong Martes ug usa ka himsog nga batang babaye ang iyang gihimugso. Ang iyang hinigugma nga si Bulacan Mayor Patrick Meneses maoy nag-apong kaniya ug nalipay kaayo sa dihang nakakita sa unang liwat nila ni Ara. Ang maong bata ginganlan nila og Amanda Gabrielle.
Maja dili mahadlok
Gipadayag ni Maja Salvador nga dili ra niya hatagan og gibug-aton kung dunay mga babaye nga magpakita og interest ngadto sa iyang boyfriend nga si Gerald Anderson. Suma pa sa aktres nga segurado na siya kang Gerald nga dili gyud mangita og laing babaye.
Suki sa pagluto
Okay ra kang Marvin Agustin nga makadawat og cooking show sa ABS-CBN. Nasayran nga mao kini ang kasagaran nga mga programa niya niadto sa laing istasyon.
Aprobado ni Lloydie
Bukas si John Lloyd Cruz sa ideya nga ibalik ang tandem nila ni Kaye Abad sa telebisyon. Suma pa sa aktor nga gimingaw na siya og maayo sa tandem nila ni Kaye. Kahinumduman nga gipadayag ni Kaye sa miaging buwan nga ganahan siya makauban og balik ang aktor sa usa ka proyekto.
Misamot ang gugma
Tsika pa ni AiAi delas Alas nga nisamot ang iyang gugma sa iyang boyfriend nga si Gerald Sibayan gumikan kay dili gyud siya ikauwaw niini kung manuroy sila og mall.
Milagsik og kalit
Giangkon ni Neri Naig nga nagkasakit gyud siya duha ka adlaw sa wala pa sila kasla ni Chito Miranda. Apan kalit lang siya nilagsik sa mismong adlaw sa ilang kasal.
Asa na si Juliana?
Ang pagdumala sa kaugalingong restaurant nga nahimutang sa Davao City maoy gikabisihan karon sa kanhi sexy star nga si Juliana Palermo. Gawas sa negosyo, siya usab ang nagunay og atiman sa iyang kuwatro anyos nga anak.
Ikaw na KC!
Gimintinar ni KC Montero ang kasuod nila sa iyang ex-wife nga si Geneva Cruz ug sa anak niini nga si Heaven. Suma pa ni KC nga dili siya komportable kung duna siya’y kaaway.
Dili pa andam
Giklaro sa rapper nga si Abra nga duna pa’y daghang pangandoy si Julie Anne San Jose sa iyang kinabuhi busa dili pa sila andam nga i-link sa usag-usa.
My big bossing “big directors, big stars
Sama sa nangagi nga mga Metro Manila Film Festival, gipaabot nga hangupon gihapon sa masa ang pelikula ni Vic Sotto karong tuiga nga “My Big Bossing” nga malantawan na sugod karong December 25.
Gibutyag ni Vic nga dako gyud ang gasto niini sanglit tulo man kini ka istorya ug hugyaw pa gyud ang set niini.
“Gusto lang namin na merong something new, lahat na henerasyon ang matutuwa talaga. Hindi naman ito pangbata lang , kahit matatanda ang seguradong matutuwa sa Big Bossing, “ suma pa ni Vic sa dihang nahimamat sa Cebu Entertainment Group (E-Group) kagahapon.
Ang tulo ka episodes naglangkob sa “Sirena,” “Tatak,” ug “Prinsesa” diin ang mga direktor niini mao sila si Marlon Rivera, Joyce Bernal ug Tony Y. Reyes.
“Big directors at big stars ang kasali sa Big Bossing. Isang pelikula ang binabayaran ninyo, pero tatlong istorya ang mapapanood ninyo kaya sulit po talaga, “ dugang pa ni Vic.
Molugwa usab sa maong pelikula si Ryzza Mae Dizon, Nikki Gil , Manilyn Reynes ug ang uyab ni Vic nga si Pauleen Luna. Apil usa niini ang GMA7 Primetime Queen nga si Marian Rivera.
Malantawan usab ang mag-amahan ug anak nga sila si Niño Muhlach ug Alonzo.
“Lumabas daw noon si Alonzo sa isang TV show, sa PBB yata yun sa ABS-CBN, at merong nagsabi sa akin na puwede daw isali sa movie ko ang batang yan. Kaya pinapunta ko siya sa set ng Eat Bulaga at nakita ko kung gaano siya kagaling. Sasayaw at kakanta, talagang hindi siya mahihiya,” matud pa ni Vic.
Beterano na si Vic sa pagsalmot sa MMFF ug kanunay gyud nga mo-click ang iyang mga entry ug dili gyud siya magpadala sa mga pagsaway nga iyang nadawat.
Kahinumduman nga wala lung-i sa iyang kritiko ang pelikula niya sa miaging tuig nga My Little Bossing gumikan sa kadaghang product placements.
“Marami man o kunti yung mga produkto na makikita sa pelikula, ang importante na hindi maapektohan ang daloy ng istorya. Maintindihan seguro yan ng mga tao. Sa pagawa ng pelikula, milyong-milyon po ang pinag-uusapan natin. Bilang producer, kailangan po natin ng partners. Kahit nga sa mga pelikula sa ibang bansa, meron ding ganyan,” saysay pa sa komedyanteng aktor.
Samtang subling mihatag og katin-awan si Vic sa tsika nga matud pa magpakasal na sila ni Pauleen Luna.
Matud pa niya nga angayan lang paaboton ang saktong panahon apan segurado na siya nga mao gyud kini ang padulngan.
“Alam naman natin na hindi ito isang laro, pumasok ka sa isang relasyon dahil gusto mo na may makasama ka habang buhay. Segurado naman na darating tayo dyan,” matud pa ni Vic.
Samtang si Ryzza sa iyang bahin nalipay og maayo gumikan kay natuman na gyud ang iyang pangandoy nga makasuway sa role nga sirena.
Si Ryzza matud pa maoy nagmugna sa iyang role ilabi na sa eksena nga naligo siya sa bathtub nga dunay patis aron moparat ang tubig.
“Gusto ko kasi mag-swimming, at dream ko talaga maging sirena , sobrang nag-enjoy po ako” matud pa ni Ryzza.
Nasayran nga gihangop ang batang aktres ni Vic gumikan kay nagka maayo kaayo ang abilidad niini sa pag-arte.
“Alam ninyo , masayang masaya ako dahil nag-study ako ng scuba diving at may license na ako,” dugang pa ni Ryzza.
12 Days Anniversary Sale ug Million Thanks Promo
Nagapadayon karon ang kabarato sa mga palaliton sa Gaisano Main ug Gaisano Country Mall tungod sa ilang 12-Day Anniversary Sale. Nagsaulog karong bulana sa ika-45 nga tuig ang Gaisano Main nga maoy labing unang department store dinhi sa dakbayan. Dagkong diskwento ang inyong maangkon sa inyong mga paboritong palaliton lakip na ang inyong kinahanglanon ning Pasko.
Gawas nga makadaginot kamo, may kahigayunan pa gayod kamo sa pagdaug og minilyong kantidad sa mga papremyo pinaagi sa ilang “A Million Thanks” raffle promo. Manghatag sila og 3 ka latest edition nga Mazda2 ug minilyong kantidad sa mga appliances. Ang unang pagbola ipahigayon karong Disyembre 27, Sabado diha sa Gaisano Country Mall parking uban sa sikat nga artista sa Pinoy Big Brothers All-in nga si Fifth Solomon.
Busa ayaw gayod ninyo sipyata ang dobleng kahigayunan nga gihatag kaninyo sa Gaisano Main ug Country Mall. Kahigayunan nga makadaginot kamo ug kahigayunan usab nga makadaug og minilyong papremyo!